ప్రభాస్ బాహుబలి తర్వాత వచ్చిన క్రేజ్, ఇమేజ్ కు తగ్గట్టుగా వరుసగా సినిమాలు చేస్తూ కెరీర్ లో దూసుకెళుతున్నారు. సాహో, రాధేశ్యామ్ చిత్రాలతో ప్రేక్షకుల ముందుకు వచ్చారు. ఈ సినిమాలు ఆశించిన స్థాయిలో మెప్పించలేకపోయినా.. మంచి ఓపెనింగ్స్ రాబట్టాయి. అయితే.. హిట్, ప్లాప్ తో సంబంధం లేకుండా మరింత స్పీడు పెంచి సినిమాలు చేస్తున్నారు. ‘ఆదిపురుష్’, ‘సలార్’, ‘ప్రాజెక్ట్ కే’, మారుతితో సినిమా ఇలా ఒకేసారి నాలుగు సినిమాలు చేస్తూ కెరీర్ లో దూసుకెళుతున్నారు ప్రభాస్. రానున్న ఆదిపురుష్, సలార్, ప్రాజెక్ట్ కే చిత్రాలతో ప్రభాస్ భారీ బ్లాక్ బస్టర్స్ సాధిస్తాడని ఫ్యాన్స్ బాగా కాన్ఫిడెంట్ గా ఉన్నారు.
అయితే.. ప్రభాస్ ఫ్యాన్స్ హ్యాపీగా ఫీలయ్యేలా సందీప్ రెడ్డి వంగ అదిరిపోయే న్యూస్ చెప్పాడు. మేటర్ ఏంటంటే.. ప్రభాస్ తో సందీప్ రెడ్డి వంగ ఓ భారీ పాన్ ఇండియా మూవీ చేయనున్నారు. ఈ చిత్రాన్ని గతంలో ప్రకటించారు. ఈ మూవీ టైటిల్ స్పిరిట్. ఇందులో ప్రభాస్ పవర్ ఫుల్ పోలీసాఫీసర్ గా నటించనున్నట్టుగా ప్రకటించారు. ఈ సినిమాని అనౌన్స్ చేసి చాలా కాలమే అయింది కానీ.. ప్రభాస్, సందీప్ కమిట్మెంట్ల వల్ల ఇది సెట్స్ పైకి రాలేదు. వచ్చే సంవత్సరం ఈ సినిమా మొదలవుతుందని సమాచారం.
‘యానిమల్’ సినిమాలో బిజీగా ఉన్న సందీప్ రెడ్డి వంగ.. తాజాగా ఒక ఇంటర్వ్యూలో ప్రభాస్ సినిమా గురించి స్పందించాడు. ప్రభాస్‌తో రా అండ్ పవర్ ఫుల్ యాక్షన్ సినిమా చేయాలని ఎప్పట్నుంచో అనుకుంటున్నాను. అందుకు అనుగుణంగానే పవర్ ఫుల్ స్టోరీనే రాస్తున్నాను. ఇది ఖచ్చితంగా ఒక రిఫ్రెషింగ్ మూవీ అవుతుంది. ప్రభాస్ నాతో చేసే సినిమా ఎలా ఉండాలని అభిమానులు కోరుకుంటారో.. అంతకు మించి ఉండేలా ఈ సినిమాను ప్లాన్ చేస్తున్నాం అంటూ ప్రభాస్ ఫ్యాన్స్‌లో మరింతగా ఎగ్జైట్మెంట్ పెంచేశాడు సందీప్.
