పుష్ప మూవీతో బ‌న్నీ ఎంత‌టి సెన్సేష‌న్ క్రియేట్ చేశాడో అంద‌రికీ తెలిసిందే. ముఖ్యంగా బాలీవుడ్ లో అయితే.. పుష్ప రాజ్ సెన్సేష‌న్ క్రియేట్ చేసి అంద‌రికీ షాక్ ఇచ్చాడు. ఒకే ఒక్క ప్రెస్ మీట్ పెట్టిన‌ప్ప‌టికీ బాలీవుడ్ లో వంద కోట్ల‌కు పైగా క‌లెక్ట్ చేయ‌డంతో బాలీవుడ్ బాక్సాఫీస్ షేక్ అయ్యింది. ఇక బ‌న్నీ రేంజ్ అయితే అమాంతం మారిపోయింది. ఇక పుష్ప పార్ట్ 2 ఎప్పుడెప్పుడు వ‌స్తుందా అని ఆతృత‌గా ఎదురు చూస్తున్నారు.
ఇదిలా ఉంటే.. బ‌న్నీకి వ‌చ్చిన క్రేజ్ తో బాలీవుడ్ బ‌డా ఫిల్మ్ మేక‌ర్స్ ఆయ‌న‌తో సినిమాలు చేసేందుకు ఇంట్ర‌స్ట్ చూపించారు. బాలీవుడ్ బ‌డా ఫిల్మ్ మేక‌ర్ సంజ‌య్ లీలా భ‌న్సాలీ బ‌న్నీతో సినిమా చేయాలి అనుకున్నారు. అందుక‌నే బ‌న్నీని త‌న ఆఫీస్ కి పిలిపించుకుని మాట్లాడారు. అది అటు టాలీవుడ్, ఇటు బాలీవుడ్ లో హాట్ టాపిక్ అయ్యింది. ఇక లేటెస్ట్ గా నాగ‌చైత‌న్య అమీర్ ఖాన్ న‌టించిన లాల్ సింగ్ చ‌డ్డా మూవీలో కీల‌క పాత్ర పోషించాడు.
ఈ మూవీ ఆగ‌ష్టు 11న విడుద‌ల కానుంది. ఈ మూవీ ట్రైల‌ర్ కు ట్రైమండ‌స్ రెస్పాన్స్ వ‌చ్చింది. ఇందులో నాగ‌చైత‌న్య దాదాపు అర‌గంట సేపు క‌నిపించ‌నున్నారు. అయితే.. ఈ మూవీ విడుద‌ల కాకుండానే నాగ‌చైత‌న్య‌కు మంచి పేరు వ‌చ్చింది. బాలీవుడ్ బ‌డా ఫిల్మ్ మేక‌ర్ సంజ‌య్ లీలా భ‌న్సాలీ నాగ‌చైత‌న్య‌తో సినిమా చేయాలనుకుంటున్నారు. చైత‌న్య‌ను త‌న ఆఫీస్ కి పిలిపించుకుని మాట్లాడ‌డం హాట్ టాపిక్ అయ్యింది. మొన్న బ‌న్నీతో, నేడు చైతులో సంజ‌య్ లీలా భ‌న్సాలీ మీటింగ్ జ‌ర‌గ‌డం ఆస‌క్తిగా మారింది. మ‌రి.. బ‌న్నీ, చైతు ఇద్ద‌రిలో ఎవ‌రితో సంజ‌య్ మూవీ ఉంటుందో చూడాలి.
Also Read : చైతూ మరో బాలీవుడ్ సినిమా చేస్తున్నారు
