‘ఏక్ మినీ కథ’ తో సక్సస్ సాధించిన యువ హీరో సంతోష్ శోభన్ ప్రస్తుతం ‘ప్రేమ్ కుమార్’, ‘అన్నీ మంచి శకునములే’ చిత్రాలను ప్రకటించారు. ఈ సినిమాలతో పాటు మారుతి దర్శకత్వంలో ఓ సినిమా చేస్తున్నాడు. దీనికి ‘మంచి రోజులు వచ్చాయి’ అని టైటిల్ ఖరారు చేశారు. ఇందులో సంతోష్ శోభన్ సరసన మెహ్రీన్ నటిస్తుంది. యధార్థ సంఘటనలు ఆధారంగా ఈ సినిమా రూపొందిస్తున్నట్టు తెలియచేశారు. ఈ విబిన్న కథా చిత్రాన్ని యువీ కాన్సెప్ట్స్ – మాస్ మూవీ మేకర్స్ సంయుక్తంగా నిర్మిస్తున్నారు.
ఈ చిత్రానికి సంబంధించిన ఫస్ట్ లుక్ పోస్టర్ ను చిత్ర యూనిట్ విడుదల చేసింది. ఈ ఫస్ట్ లుక్ పోస్టర్ లో సంతోష్ శోభన్ ఓ గోడకు అనుకోని స్టైల్ గా నిలబడి ఉండగా.. మెహ్రీన్ అతని కళ్ళలోకి చూస్తూ నవ్వుతూ కనిపిస్తోంది. ఈ పోస్టర్ నిజంగానే ఫ్రెష్ గా కనిపిస్తుంది. అన్నింటి కంటే ముఖ్యంగా సంతోష్ శోభన్ చాలా కొత్తగా కనిపిస్తున్నాడు. ఈ చిత్రానికి అనూప్ రూబెన్స్ సంగీతం సమకూరుస్తుండగా.. సాయి శ్రీరామ్ సినిమాటోగ్రఫీ అందిస్తున్నారు. త్వరలో ఈ చిత్రానికి సంబంధించిన పూర్తి వివరాలను తెలియచేయనున్నారు.
