సూప‌ర్‌స్టార్ మహేష్ బాబు లేటెస్ట్ మూవీ ‘స‌ర్కారువారి పాట’. ఈ చిత్రం నుంచి స్పెష‌ల్ డే..మహేష్ పుట్టిన‌రోజు సంద‌ర్భంగా విడుద‌లైన బ్లాస్టర్ కు అత్య‌ద్భుత‌మైన రెస్పాన్స్ వ‌చ్చింది. ఈ బ్లాస్టర్ లో మహేష్ చాలా స్టైలిష్ లుక్‌లో క‌నిపిస్తున్నారు. త‌న యాట్యిట్యూడ్‌, డైలాగ్ డెలివ‌రీ, కామెడీ టైమింగ్ అద్భుతంగా ఉన్నాయి. అన్ని అంశాల‌తో ఓ ఎంట‌ర్‌టైనింగ్ రోల్‌లో, మహేష్ ను ఎలివేట్ చేసిన తీరు చూసి డైరెక్ట‌ర్ ప‌ర‌శురాంపై ప్రేక్ష‌కాభిమానులు ప్రశంసల జల్లు కురిపిస్తున్నారు.
రీసెంట్‌గా ‘స‌ర్కారువారి పాట’ హైద‌రాబాద్ షెడ్యూల్ పూర్త‌య్యింది. శుక్ర‌వారం నుంచి గోవాలో కొత్త షెడ్యూల్ ప్రారంభ‌మైంది. ఓ భారీ సెట్ వేసి ఫైట్ మాస్టర్స్ రామ్ ల‌క్ష్మ‌ణ్ ప‌ర్య‌వేక్ష‌ణ‌లో యాక్ష‌న్ స‌న్నివేశాల‌ను చిత్ర‌క‌రిస్తున్నారు. దీంతో పాటు కొంత టాకీ పార్టును కూడా చిత్రీక‌రిస్తారు. ఈ గోవా షెడ్యూల్‌లో ప్ర‌ధాన తారాగ‌ణ‌మంతా పాల్గొంటున్నారు. దీనికి సంబంధించి గోవా షెడ్యూల్ వ‌ర్కింగ్ స్టిల్‌ను చిత్ర యూనిట్ విడుద‌ల చేసింది. ఇందులో మహేష్, ప‌ర‌శురాం, రామ్-ల‌క్ష్మ‌ణ్ మాస్టర్స్ నెక్స్ట్ తీయబోయే సీన్ గురించి డిస్క‌స్ చేసుకుంటున్నారు.
