వాయుపుత్ర ఆర్ట్స్ పతాకం పై జీవన్, మధుప్రియ హీరోహీరోయిన్లుగా సోమసుందరం బి.యం దర్శకత్వంలో శ్రీమతి పుష్పలత.బి నిర్మిస్తున్న చిత్రం ‘శత్రుపురం’. తొలి కాపీ రెడీ అయిన ఈ చిత్రం ప్రస్తుతం సెన్సార్ కార్యక్రమాలు జరుపుకుంటుంది. తెలుగు, తమిళ్ భాషల్లో రూపొందిన ఈ చిత్రం సెప్టెంబర్ లో విడుదలకు సిద్ధం అవుతోంది. కాగా ఈ చిత్రం ఫస్ట్ లుక్ ను హైదరాబాద్ ఫిలిం ఛాంబర్లో నాంది చిత్ర నిర్మాత విడుదల చేశారు.
అనంతరం జరిగిన మీడియా సమావేశంలో నాంది సతీష్ వర్మ మాట్లాడుతూ.. గ్రామీణ నేపథ్యంలో వస్తున్న ఈ సినిమా ట్రైలర్ చూస్తుంటే.. ఇందులో సీన్స్, లోకేషన్స్ నేచురల్ గా ఉన్నాయి. రియలస్టిక్ ఎలిమెంట్స్ తో రూపొందిన ఈ చిత్రం మా నాంది కంటే పెద్ద హిట్ కావాలని దర్శక, నిర్మాతలకు, చిత్ర యూనిట్ కు మంచి పేరు రావాలని మనస్ఫూర్తిగా కోరుకుంటున్నాను అన్నారు.
చిత్ర హీరో జీవన్ మాట్లాడుతూ… పెద్ద హీరో కోసం రాసుకున్న కథతో సోమసుందరం గారు నాతో ఈ సినిమా తీశారు. ప్రతి ఒక్కరూ కష్టపడి కాకుండా ప్రాణం పెట్టి ఈ సినిమా చేశారు. ఇది నా రెండవ సినిమా. ఇందులోని యాక్షన్ సీన్స్ చూస్తున్న ప్రతి ప్రేక్షకుడికి గూజ్ బమ్స్ వస్తాయి. ప్రేక్షకులు ఈ చిత్రాన్ని చూసి ఆదరించాలని కోరుకుంటున్నాను” అన్నారు.
చిత్ర దర్శకుడు సోమ సుందరం మాట్లాడుతూ “నిజ జీవితంలో జరిగే సంఘటనల ఆధారంగా ఈ సినిమా చేశాము. ఒక ఊరిలో పైకి మంచిగా నటిస్తూ.. ఎవరికీ తెలియకుండా అక్రమాలు,అరాచకాలు సృష్టిస్తూ.. అతిభయాంకరంగా క్రూరమైన హత్యలు చేస్తున్న ఒక ముగ్గురు దుర్మార్గులను హీరో ఎలా హతమార్చాడు అనేది చిత్రం మెయిన్ కాన్సెప్ట్.. సినిమా చాలా బాగా వచ్చింది. తెలుగు, తమిళ్ భాషల్లో రూపొందిన ఈ సినిమా ప్రేక్షకులకు ఖచ్చితంగా నచ్చుతుంది” అన్నారు.
