సంజయ్ రావు, ప్రణవి మానుకొండ జంటగా నటించిన చిత్రం ‘స్లమ్ డాగ్ హజ్బెండ్’.చిన్న సినిమాగా మొదలైన ఈ చిత్రాన్ని రిలయన్స్ ఎంటర్టైన్మెంట్ లాంటి పెద్ద సంస్థ రిలీజ్ చేయబోతోంది. మైక్ మూవీస్ బ్యానర్ నిర్మిస్తోన్న ఈ చిత్రానికి డాక్టర్ ఏఆర్ శ్రీధర్ దర్శకత్వం వహించారు. కంప్లీట్ కామికల్ ఎంటర్టైనర్ గా వస్తోన్న ఈ సినిమాలో బ్రహ్మాజీ, సప్తగిరి కీలక పాత్రల్లో నటించారు. ఈ మూవీని జూలై 21న రిలీజ్ చేయబోతోన్నారు.
సినిమా ప్రమోషన్స్లో భాగంగా ఈ మూవీ నుంచి అదిరిపోయే పాటను మేకర్లు రిలీజ్ చేశారు. యూ ఆర్ మై డీపీ అంటూ సాగే ఈ పాటను రష్మిక మందాన్న రిలీజ్ చేశారు. ఈ పాటను శ్రోతలను ఇట్టే ఆకట్టుకునేలా ఉంది. సురేష్ గంగుల రాసిన ఈ పాట, భీమ్స్ ఇచ్చిన బాణీ ఎంతో క్యాచీగా ఉంది. సాయి మాధవ్, స్వాతి రెడ్డిలు ఆలపించిన ఈ పాట అందరినీ అలరించేలా ఉంది. ఇక ఈ పాటలో సంజయ్ రావు స్టైలింగ్, ఆయన వేసిన స్టెప్పులు, ప్రణవి మానుకొండ లుక్స్ బాగున్నాయి. చూస్తుంటే.. ఈ లిరికల్ వీడియో యూట్యూబ్లో ఖచ్చితంగా ట్రెండ్ అయ్యేట్టుగా ఉంది. ఈ మూవీలో ఛమ్మక్ చంద్ర, గుండు సుదర్శన్, ఫిష్ వెంకట్ తదితరులు ఇతర పాత్రల్లో నటించారు.
