Salaar on Social Media: పాన్ ఇండియా స్టార్ ప్రభాస్, సెన్సేష‌న‌ల్ డైరెక్ట‌ర్ ప్ర‌శాంత్ నీల్ కాంబినేష‌న్లో రూపొందుతోన్న భారీ, క్రేజీ మూవీ సలార్. ఇందులో ప్రభాస్ స‌ర‌స‌న శృతిహాస‌న్ న‌టిస్తోంది. ఆమ‌ధ్య రిలీజ్ చేసిన ఈ మూవీ ఫ‌స్ట్ లుక్ సినిమా పై అంచనాలు పెంచేసింది. ఇప్పుడు ప్ర‌శాంత్ నీల్ డైరెక్ట్ చేసిన కేజీఎఫ్ 2 బ్లాక్ బ‌స్ట‌ర్ స‌క్సెస్ సాధించ‌డంతో సలార్ మూవీ పై అంచనాలు ఆకాశాన్ని తాకుతున్నాయి. సలార్ టీజర్‌ను మే నెలాఖ‌రున విడుదల చేయనున్నారనే టాక్ వినిపిస్తోంది.
ఇక తాజాగా సలార్ సెట్స్ నుంచి కొన్ని ఫోటోలు లీక్ అయ్యాయి. అవి ఇప్పుడు నెట్టింట్లో వైరల్ అవుతున్నాయి. సలార్ చిత్రం సెట్స్ నుండి రెండు ఫోటోలు ఆన్‌లైన్‌లో లీక్ కావడంతో ప్రభాస్ అభిమానులు వాటిని షేర్ చేస్తున్నారు. దీంతో సలార్ ట్విట్టర్‌ ట్రెండింగ్ లో ట్రెండ్ అవుతోంది. లీక్ అయిన ఫోటోలలో ఒకదానిలో ప్రభాస్ ఒక యాక్షన్ సీక్వెన్స్ కోసం సిద్ధంగా ఉన్నాడు. టీం ఆయనను టేక్ కోసం సిద్ధం చేయడంలో సహాయపడుతుంది.
మరొకదానిలో ప్రభాస్ తన చుట్టూ ఉన్న కొంత మంది స్పాట్ బాయ్స్‌తో సినిమా సెట్ పై సాధారణంగా నడుస్తూ కనిపిస్తున్నాడు. అయితే.. ఈ సినిమాకు సంబంధించి ఫోటోలు లీక్ అవ్వడం ఇదే మొదటిసారి కాదు. గతంలో కూడా ఇలాగే జరిగింది. ఈ లీకైన ఫోటోలు సినిమా పై అంచనాలు పెంచేస్తున్నాయి. మ‌రి.. సలార్ సినిమాతో బాక్సాఫీస్ ద‌గ్గ‌ర చ‌రిత్ర సృష్టిస్తాడేమో చూడాలి.
Also Read : ‘బాహుబ‌లి’, ‘పుష్ప’ బాట‌లో ‘సలార్’?
