అల్లు అర్జున్ హీరోగా డైరెక్టర్ సుకుమార్ తెరకెక్కించిన పుష్ప సృష్టించిన రికార్డులు, కలెక్షన్ల గురించి ప్రత్యేకంగా చెప్పాల్సిన అవసరం లేదు. ప్రపంచ వ్యాప్తంగా ప్రేక్షకులపై ఈ సినిమా చూపించిన ఇంపాక్ట్ అంతా ఇంతా కాదు. పుష్పరాజ్ పాత్రలో అల్లు అర్జున్ నటించిన తీరు, డైలాగ్ డెలివరీ, వాయిస్ మాడ్యుకేషన్, యాటిట్యూడ్ ఇవన్నీ తెలుగు ప్రేక్షకులతో పాటు ప్రపంచ వ్యాప్తంగా అందరినీ విశేషంగా ఆకట్టుకున్నాయి. క్రికెటర్స్, రాజకీయ నాయకులు కూడా ఈ సినిమాల్లోని డైలాగులు తమదైన స్టైల్ లో చెబుతూ సోషల్ మీడియాలో హల్చల్ చేశారు.
దీనికి సీక్వెల్ గా వస్తోన్న ‘పుష్ప 2’ ప్రస్తుతం షూటింగ్ జరుపుకుంటోంది. ఈ మూవీ గ్లిమ్స్ ను విడుదల చేశారు. “తిరుపతి జైలు నుండి బుల్లెట్ గాయాలతో తప్పించుకున్న పుష్ప” అని న్యూస్ వినిపిస్తుంది. ఆ తరువాత “అసలు పుష్ప ఎక్కడ” అని ఒక వాయిస్ ఓవర్ వినిపిస్తుంది. 20 సెకన్ల నిడివిగల ఈ వీడియోను ఆసక్తికరంగా కట్ చేశారు. దీని పూర్తి వీడియోను ఐకాన్ స్టార్ అల్లు అర్జున్ బర్త్డే కానుకగా ఏప్రిల్ 7న సాయంత్రం 4:05 నిమిషాలకు విడుదల చేయనున్నారు.
