సుధీర్ బాబు, ఆనంది ప్రధాన పాత్రల్లో ‘పలాస 1978’ ఫేమ్ కరుణ కుమార్ దర్శకత్వంలో 70mm ఎంటర్టైన్మెంట్ పతాకంపై విజయ్ చిల్లా, శశి దేవిరెడ్డి నిర్మిస్తున్న సినిమా ‘శ్రీదేవి సోడా సెంటర్’. ఇప్పటికే విడుదలైన ఈ సినిమా ఫస్ట్ లుక్, సుధీర్ బాబు ఇంట్రడక్షన్ టీజర్ కు అద్భుతమైన రెస్పాన్స్ వచ్చింది. అలాగే మణిశర్మ అందించిన పాటలకు కూడా ప్రేక్షకుల నుంచి రెస్పాన్స్ చాలా బాగుంది. తాజాగా ఈ సినిమా నుంచి ‘నాలో ఇన్నాళ్లుగా కనిపించని..’ అంటూ సాగే డ్యూయెట్ ను విడుదల చేశారు. సిరివెన్నెల సీతారామశాస్త్రి అద్భుతమైన సాహిత్యం ఈ పాటను మరో స్థాయికి చేర్చింది.
ఈ పాటను దినకర్, రమ్య బెహ్రా అంతే అద్భుతంగా ఆలపించారు. శ్యామ్ దత్ సైనుద్దీన్ సినిమాటోగ్రఫీ అందిస్తున్న ఈ సినిమాకి శ్రీకర్ ప్రసాద్ ఎడిటర్. ఈ సినిమాకు సంబంధించిన మరిన్ని వివరాలు త్వరలోనే తెలియజేయనున్నారు చిత్ర యూనిట్. సుధీర్ బాబు, ఆనంది తదితరులు నటిస్తున్న ఈ చిత్రానికి బ్యానర్: 70mm ఎంటర్టైన్మెంట్స్, ఎడిటర్: శ్రీకర్ ప్రసాద్, సినిమాటోగ్రఫీ: శ్యామ్ దత్ సైనుద్దీన్, సంగీతం: మణిశర్మ, పి ఆర్ ఓ: ఏలూరు శ్రీను, మేఘ శ్యామ్, నిర్మాతలు: విజయ్ చిల్లా, శశి దేవిరెడ్డి, దర్శకత్వం: కరుణ కుమార్.
