సంపత్కుమార్ హీరోగా నటిస్తూ దర్శకత్వం వహిస్తున్న చిత్రం ‘సూరాపానం’. కిక్ అండ్ ఫన్ అనేది ఉపశీర్షిక. అఖిల్ భవ్య క్రియేషన్స్ పతాకంపై మధు యాదవ్ నిర్మిస్తున్నారు. ఈ చిత్రంలో నాయికగా నటిస్తున్న ప్రగ్యానయన్ ఫస్ట్ లుక్ను నేడు ఆమె జన్మదినం సందర్భంగా విడుదల చేసింది చిత్రబృందం. ఈ సందర్భంగా దర్శకుడు సంతప్ కుమార్ మాట్లాడుతూ… ఈ చిత్రంలో పార్వతిగా కథానాయిక ప్రగ్యానయన్ ఓ ఆసక్తికరమైన పాత్రలో కనిపించబోతుంది. గ్లామర్తో పాటు అభినయానికి ఆస్కారమున్న పాత్రలో అందర్ని అలరించబోతుంది.
నిర్మాణానంతర పనులు తుది దశకు చేరుకున్నాయి. ఈ చిత్రం ప్రేక్షకులకు థ్రిల్తో పాటు వినోదాన్ని కూడా అందించబోతుంది. ఈ సినిమా ప్రారంభం నుంచి చివరి వరకు చాలా ఇంట్రస్టింగ్ గా ఉంటుంది. అన్నివర్గాల ప్రేక్షకులకు నచ్చేలా ఈ కథ ఉంటుంది. ఓ డిఫరెంట్ మూవీని చూసిన ఫీలింగ్ ని ఆడియన్స్ కి ఖచ్చితంగా కలిగిస్తుంది. త్వరలోనే విడుదల తేదీని ప్రకటిస్తాం’ అన్నారు. అజయ్ ఘోష్, సూర్య, జెన్నీ, మీసాల లక్ష్మణ్, చమ్మక్ చంద్ర తదితరులు నటిస్తున్న ఈ చిత్రానికి మాటలు: రాజేంద్రప్రసాద్, కెమెరా: విజయ్ ఠాగూర్, సంగీతం: భీమ్స్ సిసిరోలియో.
