వై.ఎస్. రాజశేఖర్ రెడ్డి పాదయాత్ర ఆధారంగా తెరకెక్కిన చిత్రం యాత్ర. వై.ఎస్ పాత్రలో మమ్ముట్టి నటించగా, మహి వి రాఘవ ఈ చిత్రాన్ని తెరకెక్కించారు. 2019 ఫిబ్రవరి 8న ‘యాత్ర’ చిత్రం రిలీజైంది. అన్నివర్గాల ప్రేక్షకులను ఆకట్టుకుని యాత్ర చిత్రం బాక్సాఫీస్ దగ్గర విజయం సాధించింది. ఇప్పుడు యాత్ర చిత్రానికి సీక్వెల్ గా ‘యాత్ర 2’ రూపొందుతోంది. ఈ మూవీని ప్రకటించినప్పటి నుంచి ఆడియన్స్ లో ఆసక్తి ఏర్పడింది. వై.ఎస్. రాజశేఖర్ రెడ్డి తనయుడు వై.ఎస్. జగన్ ప్రజా నాయకుడుగా ఎదిగిన తీరు, 2009 నుంచి 2019 వరకు ఆంధ్రప్రదేశ్ లో జరిగిన రాజకీయ పరిణామాలను ఈ మూవీలో చూపించనున్నారని తెలిసింది.
ఇక వై.ఎస్. జగన్ మోహన్ రెడ్డి పాత్రలో తమిళ హీరో జీవా నటిస్తున్నారు. ఆమధ్య రిలీజ్ చేసిన మోషన్ పోస్టర్ కు అనూహ్య స్పందన వచ్చింది. ఇప్పుడు ఈ మూవీ ఫస్ట్ లుక్ రిలీజ్ చేశారు. ఫస్ట్ లుక్ పోస్టర్ లో వై.ఎస్ పాత్రలో మమ్ముట్టి, వై.ఎస్. జగన్ పాత్రలో జీవా ఇన్ టెన్స్ లుక్స్ తో కనిపిస్తున్నారు. నేనెవరో ఈ ప్రపంచానికి తెలియపోవచ్చు కానీ.. ఒక్కటి గుర్తు పెట్టుకోండి.. నేను వై.ఎస్. రాజశేఖర్ రెడ్డి కొడుకుని అనే ఎమోషనల్ డైలాగ్ ను కూడా పోస్టర్ లో గమనించవచ్చు. ఈ పోస్టర్ కు కూడా పాజిటివ్ ఫీడ్ బ్యాక్ వచ్చింది.
యాత్ర చిత్రాన్ని 2019లో ఫిబ్రవరి 8న రిలీజ్ చేశారు. విజయం సాధించింది. ఇప్పుడు అదే డేట్ కి అంటే.. 2024లో ఫిబ్రవరి 8న యాత్ర 2 చిత్రాన్ని విడుదల చేయాలి అనుకుంటున్నారు. ప్రస్తుతం శరవేగంగా షూటింగ్ జరుపుకుంటోంది. ఈ చిత్రానికి సంతోష్ నారాయణన్ సంగీతం అందిస్తున్నారు. మరి.. యాత్ర సక్సెస్ ను యాత్ర 2 రిపీట్ చేస్తుందేమో చూడాలి.
