నందమూరి బాలకృష్ణ ‘అఖండ’ తో బ్లాక్ బ‌స్ట‌ర్ సాధించ‌డంతో.. మ‌లినేని గోపీచంద్ డైరెక్ష‌న్ లో చేస్తున్న మూవీపై భారీ అంచ‌నాలు ఉన్నాయి. మైత్రీ మూవీ మేక‌ర్స్ ఈ సినిమాను నిర్మిస్తోంది. ఇటీవల ట‌ర్కీలో కీల‌క స‌న్నివేశాలు చిత్రీక‌రించారు. షూటింగ్ చివ‌రి ద‌శ‌కు చేరుకుంది.
అయితే.. ఇప్ప‌టి వ‌ర‌కు ఈ మూవీ టైటిల్ ఏంటి అనేది ప్ర‌క‌టించ‌లేదు.ఇది వరకే చాలా రకాల టైటిల్స్ ప్ర‌చారంలోకి వచ్చాయి. చిత్ర యూనిట్ ఒక క్లారిటీ కూడా ఇవ్వలేదు. ఆ మధ్యలో ‘రెడ్డి గారు’… ఆ తర్వాత ‘జై బాలయ్య‘ అనే టైటిల్స్ పరిశీలిస్తున్నట్లు వార్తలు వచ్చాయి.
అయితే.. దర్శకుడు గోపీచంద్ మాత్రం ఆ రెండు టైటిల్స్ కాకుండా వింటేజ్ బాలయ్యను ఫ్యాక్షనిజంలో చూపిస్తున్నాడు కాబట్టి టైటిల్ కూడా అదే తరహాలో ఉండాలి అని ఆలోచించారట. ‘వీర సింహారెడ్డి’ అనే టైటిల్ పర్ఫెక్ట్ గా సెట్ అవుతుంద‌ని ఇటీవల బాలయ్యతో చర్చించినట్లుగా తెలుస్తోంది. ఈ టైటిల్ కి బాలయ్య కూడా పాజిటివ్ గా స్పందించార‌ని టాక్ వినిపిస్తోంది. ఇక రిలీజ్ డేట్ విష‌యానికి వ‌స్తే… జనవరి 11వ తేదీన సినిమాను విడుదల చేయాలని ఫిక్స్ అయ్యార‌ట. మ‌రి.. త్వ‌ర‌లోనే ప్ర‌క‌టిస్తారేమో చూడాలి.
Also Read: కృష్ణంరాజు కుటుంబానికి బాలకృష్ణ పరామర్శ
