హీరో విశాల్ ఇప్పుడు మరో డిఫరెంట్ కాన్సెప్ట్ మూవీ ‘మార్క్ ఆంటోని’తో ప్రేక్షకుల ముందుకు రాబోతున్నారు. పాన్ ఇండియా మూవీగా గ్రాండ్ గా రూపొందుతున్న ఈ సినిమాలో ఎస్.జె.సూర్య కూడా నటిస్తున్నారు. అధిక్ రవిచంద్రన్ దర్శకత్వంలో హై వోల్టేజ్ యాక్షన్ థ్రిల్లర్ గా ఈ మూవీ తెరకెక్కుతోంది. ఎస్ వినోద్ కుమార్ నిర్మతగా వ్యవహరిస్తున్నారు. ఈ చిత్రంలో విశాల్ కి జోడీగా రీతూ వర్మ నటిస్తోంది.
ఓ వైపు సినిమా పనులు వేగంగా ఫినిష్ చేస్తూనే మరో వైపు జోరుగా ప్రమోషన్స్ చేస్తున్నారు మేకర్స్. ఇందులో భాగంగా తాజాగా ‘ఐ లవ్ యూ నే’ లిరికల్ సాంగ్ రిలీజ్ చేశారు. ఈ వీడియోలో మాస్ బీట్ హైలైట్ కాగా.. విశాల్ గెటప్ ఆకట్టుకుంటోంది. శ్రీ మణి రాసిన లిరిక్స్, రామ్ మిరియాల గాత్రం ఈ పాటకు ప్రాణం పోశాయి. రియాలిటీకి దగ్గరగా ఉండే పదాలతో సాంగ్ ఫ్లో సాగింది. ఈ పాటలో హీరో,హీరోయిన్ల మాస్ స్టెప్స్, అందుకు తగట్టుగా వస్తున్న ఫాస్ట్ బీట్ ఆకట్టుకుంటోంది. దీంతో విడుదల చేసిన కాసేపట్లోనే ఈ సాంగ్ వైరల్ గా మారింది.
ప్రస్తుతం నిర్మాణాంతర పనులు జరుపుకుంటున్న ఈ చిత్రాన్ని వినాయక చవితి పండుగను పురస్కరించుకుని సెప్టెంబర్ 15న విడుదల చేయబోతున్నట్లుగా ఇప్పటికే మేకర్స్ తెలిపారు. అంతకు ముందు ఈ సినిమా నుంచి విశాల్ ఆలపించిన అదరద గుండె అదరద మావా.. బెదరగ బెంగ మొదలవదా సాంగ్ రిలీజ్ చేసి ఆకట్టుకున్న మేకర్స్.. ఇప్పుడు ఐ లవ్ యూ నే లిరికల్ సాంగ్తో యూత్ మొత్తాన్ని అట్రాక్ట్ చేశారు. ఇటీవల రిలీజైన ఈ మూవీ టీజర్ కు అద్భుతమైన రెస్పాన్స్ వచ్చింది.
