ప్రభాస్ వరుసగా సినిమాలు చేస్తూ కెరీర్ లో దూసుకెళుతున్నారు. ‘బాహుబలి’ సినిమాతో చరిత్ర సృష్టించడంతో ఒక్కసారిగా ప్రభాస్ పేరు దేశవిదేశాల్లో మారుమ్రోగింది. దీంతో ప్రభాస్ తో సినిమాలు చేసేందుకు బడా ఫిల్మ్ మేకర్స్ క్యూకట్టారు. ఇప్పుడు ‘ఆదిపురుష్‌’, ‘సలార్’, ‘ప్రాజెక్ట్ కే’, మారుతితో మూవీ, స్పిరిట్.. ఇలా వరుసగా పాన్ ఇండియా సినిమాలు చేస్తున్నాడు. మూడేళ్లు ఖాళీ లేడు. అయినప్పటికీ ప్రభాస్ తో సినిమా చేసేందుకు టాలీవుడ్ ఫిల్మ్ మేకర్స్ మాత్రమే కాదు కోలీవుడ్, బాలీవుడ్ ఫిల్మ్ మేకర్స్ ఇంట్రస్ట్ చూపిస్తుండడం విశేషం.
ఇదిలా ఉంటే.. ఇప్పుడు ప్రభాస్ తో సినిమా చేసేందుకు విక్రమ్ మూవీతో బ్లాక్ బస్టర్ సాధించిన లోకేష్ కనకరాజ్ ప్లాన్ చేస్తున్నారని తెలిసింది. యూనివర్సల్ హీరో కమల్ హాసన్ తో ఈ ఏడాది ఊహించని విధంగా విక్రమ్ మూవీతో బ్లాక్ బస్టర్ మూవీని అందించిన సంచలన విజయాన్ని సొంతం చేసుకుని దర్శకుడు లోకేష్ కనగరాజ్ టాక్ ఆఫ్ ది ఇండస్ట్రీగా నిలిచారు. దాదాపు నాలుగేళ్ల విరామం తరువాత కమల్ కు బ్లాక్ బస్టర్ హిట్ ని అందించడమే కాకుండా కమల్ కెరీర్ కి సరికొత్త జోష్ ని అందించాడు లోకేష్ కనగరాజ్. దీంతో ప్రతీ స్టార్ హీరోల దృష్టి లోకేష్ కనగరాజ్ పై పడింది.
అయితే.. లోకేష్ కనగరాజ్ మాత్రం త్వరలో దళపతి విజయ్ 67వ ప్రాజెక్ట్ ని తెరకెక్కించబోతున్నాడు. ఇందుకు సంబంధించిన ప్రీ ప్రొడక్షన్ వర్క్ జరుగుతోంది. అన్నీ ఫైనల్ అయ్యాక ఈ ప్రాజెక్ట్ ని ఈ డిసెంబర్ లేదా.. వచ్చే ఏడాది సెట్స్ పైకి తీసుకెళ్లడానికి రంగం సిద్ధం చేస్తున్నాడు. ఈ సినిమా తర్వాత ప్రభాస్ తో సినిమా చేయడానికి చర్చలు జరుపుతున్నట్టుగా వార్తలు వినిపిస్తున్నాయి. ప్రభాస్ కూడా ‘విక్రమ్’ చిత్రాన్ని తెరకెక్కించిన విధానం ఆకట్టుకోవడంతో లోకేష్ తో కలిసి వర్క్ చేయాలనుకుంటున్నాడట. ఫస్ట్ సిట్టింగ్ జరిగింది. త్వరలోనే వీరిద్దరి మధ్య సెకండ్ సిట్టింగ్ జరగనుంది. మరి.. అంతా అనుకున్నట్టు జరిగి… ఈ క్రేజీ ప్రాజెక్ట్ సెట్ అవుతుందేమో చూడాలి.
Also Read : ప్రభాస్.. సైలెంట్ గా మూవీ చేయడం వెనుక సీక్రెట్ ఇదే
