సినిమా ఇండస్ట్రీకి సంక్రాంతి, సమ్మర్, దసరా మూడు సీజన్స్. అయితే.. గత కొంతకాలంగా క్రిస్మస్ కూడా సినిమాలు రిలీజ్ చేస్తుండడంతో క్రిస్మస్ సీజన్ స్టార్ట్ అయ్యింది. ఇప్పుడు క్రిస్మస్ కి భారీ చిత్రాలు థియేటర్లోకి వచ్చేందుకు పోటీపడుతున్నాయి. అయితే.. పవన్ కళ్యాణ్ ‘ఓజీ’ చిత్రాన్ని కూడా డిసెంబర్ లో రిలీజ్ చేయనున్నట్టుగా వార్తలు వస్తున్నాయి. దీంతో డిసెంబర్ లో ఏ ఏ సినిమాలు రిలీజ్ కానున్నాయి. అసలు ఓజీ డిసెంబర్ లో నిజంగా థియేటర్లోకి వస్తుందా..? అనేది ఆసక్తిగా మారింది.
ఇంతకీ డిసెంబర్ లో ఏ ఏ సినిమాలు వస్తున్నాయంటే.. రణబీర్ కపూర్ హీరోగా సందీప్ రెడ్డి వంగా దర్శకత్వంలో తెరకెక్కుతోన్న చిత్రం ‘యానిమల్’. ఈ చిత్రాన్ని ఆగష్టులో రిలీజ్ చేయాలి అనుకున్నారు కానీ..ఈ చిత్రాన్ని డిసెంబర్ 1న రిలీజ్ చేయనున్నట్టుగా ప్రకటించారు. ధనుష్ హీరోగా తెరకెక్కుతోన్న పాన్ ఇండియా మూవీ ‘కెప్టెన్ మిల్లర్’. ఈ మూవీ డిసెంబర్ 15న రిలీజ్ కానుంది. ఈ మూవీ ఫస్ట్ గ్లింప్స్ రీసెంట్ గా ప్రేక్షకుల ముందుకొచ్చి ఆకట్టుకుంది. నాని హీరోగా శౌర్యువ్ దర్శకత్వంలో తెరకెక్కుతోన్న చిత్రం ‘హాయ్ నాన్న’. ఈ చిత్రాన్ని డిసెంబర్ 21న రిలీజ్ చేయనున్నారు.
వెంకటేష్ హీరోగా శైలేష్ కొలను దర్శకత్వంలో ‘సైంధవ్’ మూవీ డిసెంబర్ 22న రిలీజ్ కానుంది. జ్ఞానసేఖర్ దర్శకత్వంలో సుధీర్ బాబు హీరోగా తెరకెక్కుతోన్న ‘హరోం హర’ మూవీ డిసెంబర్ 22న రిలీజ్ చేయనున్నట్లు ఎనౌన్స్ చేశారు. నితిన్ ‘ఎక్స్ ట్రా’ మూవీ డిసెంబర్ 23న రానున్నట్టుగా ఎనౌన్స్ చేశారు. విశ్వక్ సేన్ ‘గ్యాంగ్ ఆఫ్ గోదావరి’ సినిమా కూడా డిసెంబర్ లోనే రానుంది. వీటితో పాటు పవన్ కళ్యాణ్ హీరోగా సుజిత్ దర్శకత్వంలో తెరకెక్కుతోన్న ఓజీ మూవీ కూడా డిసెంబర్ లోనే రిలీజ్ చేయాలని ప్లాన్ చేస్తున్నారు. దీంతో ఓజీ నిజంగానే డిసెంబర్ లో రానుందా..? ఓజీ డిసెంబర్ లో వస్తే కనుక కొన్ని సినిమాలు పోటీ నుంచి తప్పుకునే ఛాన్స్ ఉంది. మొత్తానికి డిసెంబర్ లో భారీ చిత్రాలు థియేటర్లోకి రానున్నాయి. ఇందులో ఏ సినిమా ప్రేక్షకుల్ని మెప్పిస్తుందో చూడాలి.
