ఆసియన్ ఛాంపియన్స్ ట్రోఫీ-2023 లో నేడు జరిగిన మ్యాచ్ లో మలేషియాపై ఇండియా 5-0 తేడాతో ఘనవిజయం సాధించింది.
ఈ టోర్నీ కి చెన్నై ఆతిథ్యం ఇస్తోన్న సంగతి తెలిసిందే. మేయర్ రాధాకృష్ణన్ స్టేడియంలో ఈ మ్యాచ్ లు అన్నీ జరుగుతున్నాయి,
తొలి పావు భాగం చివరి క్షణాల్లో ఇండియా ప్లేయర్ సెల్వం కార్తీ ఫీల్డ్ గోల్ తో ఇండియాకు బోణీ కొట్టాడు. ఆ తర్వాతా 32, 42 నిమిషాల్లో హార్దిక్ సింగ్, హర్మన్ ప్రీత్ సింగ్ లు రెండు పెనాల్టీ కార్నర్ గోల్స్ సాధించారు. 53 వ నిమిషంలో గుర్జాంత్ సింగ్ ఫీల్డ్ గోల్ చేయగా, 54 వ నిమిషంలో జుగ్ రాజ్ సింగ్ మరో పెనాల్టీ కార్నర్ ద్వారా స్కోరును 5-0కు చేర్చాడు.
లీగ్ దశలో మొత్తం ఆరు మ్యాచ్ లు ఆడాల్సి ఉండగా మూడు మ్యాచ్ లు ఆడిన ఇండియా రెండు విజయాలు, ఒక డ్రా తో మొత్తం ఏడు పాయింట్లుతో పట్టికలో అగ్రస్థానంలో ఉంది.
