సందీప్ కిషన్, నేహా శెట్టి హీరో హీరోయిన్లుగా నటించిన ‘గ‌ల్లీరౌడీ’ సెప్టెంబ‌ర్ 17న నవ్వులతో దాడి చేసేందుకు సిద్ధమవుతోంది. ఎం.వి.వి.సత్యనారాయణ నిర్మాతగా కోన ఫిల్మ్‌ కార్పొరేషన్‌, ఎంవీవీ సినిమా సంయుక్తంగా నిర్మిస్తోన్న ఈ సినిమాకు జి.నాగేశ్వరరెడ్డి దర్శకత్వం వహించారు. ‘స్టేట్ రౌడీ’ లో తన ఆటా, పాటాతో అఖిలాంధ్ర ప్రేక్షకులను ఉర్రూతలూగించిన మెగా స్టార్ చిరంజీవి చేతుల మీదుగా ‘గల్లీ రౌడీ’ ట్రైలర్ విడుదలైంది.
‘‘నీకు తెలిసిన రౌడీ ఎవ‌రైనా ఉన్నారా? అని వైవా హ‌ర్ష‌ను హీరోయిన్ అడిగితే నా ఫ్రెండే పెద్ద రౌడీ అనే డైలాగ్‌తో ట్రైలర్ మొద‌ల‌వుతుంది. సందీప్ కిషన్ ప‌రిచయం ఓ రేంజ్‌లో ఎంట‌ర్‌టైనింగ్‌గా అనిపిస్తుంది. అదే హీరోయిన్ ‘ఇత‌ను నిజంగానే రౌడీనా?’ అని ప్ర‌శ్నిస్తే.. ‘రోజూ పులిగోరు అవీ ఇవీ పెడ‌తావు క‌దా అవెక్క‌డ’ అంటూ వైవాహ‌ర్ష ప్ర‌శ్నించ‌డం దానికి బ‌దులుగా సందీప్ ‘మొదటిసారి కాఫీషాప్‌కు వ‌స్తున్నా క‌దా, కాస్త క్లాస్‌గా ఉందామని’ అని బ‌దులిస్తాడు. దానికి రివ‌ర్స్‌గా వైవా హ‌ర్ష ‘ఏసుకోరా రౌడీ అంటే ఎవ‌రూ న‌మ్మ‌ట్లేదు’ అని చెప్పే డైలాగ్‌తోనే హీరో క్యారెక్ట‌ర్ ఏంటి? త‌ను ఎలాంటి ప‌రిస్థితుల‌ను ఫేస్ చేస్తున్నాడ‌నే విష‌యం రివీల్ అవుతుంది.
హీరోయిన్ నేహాశెట్టి ప్రేమలో హీరో ఆమె వెంటపడటం.. ‘వాడు రౌడీ.. వాళ్ల నాన్న రౌడీ… వాళ్ల తాత రౌడీ.. ’ అంటూ హీరో గురించి హీరోయిన్ బిల్డప్ ఇవ్వడం రౌడీలను సందీప్ కిషన్ చితక్కొట్టడం… ‘పోలీసులు నా పై రౌడీ షీట్ ఓపెన్ చేస్తే నాకు పాస్‌పోర్ట్ కూడా రాదు క‌దా.. ’అని సందీప్ కిషన్ అంటే ‘ఒక్క పాస్ పోర్ట్ ఏంటి? రేష‌న్ కార్డ్ కూడా రాదు’ అంటూ వైవా హ‌ర్ష చెప్పే డైలాగ్ వింటే హీరోకి రౌడీ కావ‌డం కంటే బ‌య‌ట దేశాల‌కు వెళ్లాల‌నే డ్రీమ్ ఉండ‌టం. కానీ ప్రేమ కోసం రౌడీ మారుతాడ‌నే సంగ‌తి అర్థ‌మ‌వుతుంది. బాబీ సింహ పోలీస్ ఆఫీస‌ర్ పాత్రలో క‌నిపిస్తున్నాడు. త‌ను రౌడీలను ఎన్‌కౌంటర్ చేయ‌డం కామెడీ కోణంలో సాగే రాజేంద్ర ప్రసాద్, స‌హా ప్ర‌తి పాత్ర ఎంట‌ర్‌టైనింగ్‌లోనే సాగుతుంది’’ ట్రైలర్‌లోనే ఈ రేంజ్ కామెడీ ఉంటే, ఇక సినిమా ఎలా ఉండ‌బోతుందోన‌నే ఆస‌క్తి ప్రేక్ష‌కుల్లో క్రియేట్ చేసేలా ట్రైలర్ ఆస‌క్తిక‌రంగా, ఎంట‌ర్‌టైనింగ్‌గా క‌నిపిస్తుంది. న‌ట‌కిరిటీ రాజేంద్ర ప్రసాద్ ఇందులో ఇంపార్టెంట్ రోల్‌ను పోషించిన ఈ చిత్రంలో కోలీవుడ్ యాక్టర్ బాబీ సింహ ఓ కీలక పాత్రలో నటించారు.
