అలీ చేతుల మీదుగా ‘వెల్లువ’ టైటిల్ పోస్టర్

వీనస్ మూవీస్ పతాకం పై రంజిత్, సౌమ్య మీనన్(కేరళ), అలీ, రావు రమేష్, పెద్ద నరేష్, నటీనటులుగా మైల రామకృష్ణ దర్శకత్వంలో M. కుమార్ , M. శ్రీనివాసులు సంయుక్తంగా కలిసి నిర్మిస్తున్న చిత్రం ‘వెల్లువ’. ఈచిత్రం  షూటింగ్ హైదరాబాద్ లోని సైనిక్ పురి లోగల హైజాక్ బిస్ట్రో లో అలీ పై ‘చెప్పకురా మామా నువ్వు చెప్పకు సారీ ‘ సాంగ్ చిత్రీకరణ జరుపుకుంటుంది. ఈ సందర్భంగా చిత్ర యూనిట్  పాత్రికేయుల  సమావేశం ఏర్పాటు చేసింది. ఈ సమావేశంలో అలీ ‘వెల్లువ’ టైటిల్ పోస్టర్ ను విడుదల చేశారు.

అనంతరం నటుడు అలీ మాట్లాడుతూ “చిత్ర నిర్మాత కుమార్ గారు మనీషా ఫిల్మ్స్ లో 20 ఏళ్ళుగా ప్రొడక్షన్ ఎగ్జిక్యూటివ్ గా పనిచేశాడు. ఇప్పుడు ఈ చిత్రాన్ని శ్రీనివాస్ గారితో కలిసి నిర్మిస్తున్నాడు. హీరో రంజిత్ కి ఇది మూడవ సినిమా. రంజిత్ తో గతంలో ‘జువ్వ’ మూవీ చేశాను. ఇది తనతో రెండవ సినిమా. కోవిడ్ కారణంగా ఆలస్యం అయ్యింది. రామకృష్ణ ఈ సినిమాతో దర్శకుడిగా  పరిచయ మవుతున్నాడు. ఘంటాడి కృష్ణ అద్భుతమైన పాటలు అందించాడు.ఇందులో నాతో  “చెప్పకురా మామా ..నువ్వు చెప్పకు సారీ” పాటను పాడించారు.  ఈ సినిమా చిత్ర యూనిట్ కు పెద్ద విజయం సాధించాలని మనస్ఫూర్తిగా కోరుతున్నాను” అన్నారు.

దర్శకుడు రామకృష్ణ మాట్లాడుతూ “నిర్మాతలకు నేను చెప్పిన కథ నచ్చడంతో సినిమా చేయడానికి ముందుకు వచ్చారు. లవ్, ఫ్యామిలీ ఎమోషన్ తో వస్తున్న చిత్రమిది. కొవిడ్ కారణంగా లేట్ అయినా  సినిమా చాలా బాగా వచ్చింది. రావు రమేష్ గారు, అలీ, సీనియర్ నరేష్, లాంటి పెద్ద నటులతో  సినిమా చేస్తున్నందుకు చాలా సంతోషంగా ఉంది. ప్రేక్షకులందరికీ ఈ సినిమా ఖచ్చితంగా నచ్చుతుంది” అన్నారు.

హీరో రంజిత్ మాట్లాడుతూ “సీనియర్ నటులతో నేను చేస్తున్నందుకు చాలా ఆనందంగా ఉంది. ఘంటాడి కృష్ణ గారు మంచి మ్యూజిక్ ఇచ్చారు. అలీ గారితో కలసి పాట చేసుకున్నందుకు చాలా అందంగా ఉంది. ఇలాంటి మంచి సినిమాలో నటించే అవకాశం కల్పించిన దర్శక, నిర్మాతలకు ధన్యవాదాలు” అన్నారు.

చిత్ర నిర్మాత ఎం శ్రీనివాసులు మాట్లాడుతూ .. దర్శకుడు చెప్పిన కథ నచ్చింది. జీవనోపాధి తర్వాతే లవ్, పెళ్లి అనే మంచి కాన్సెప్టు తో వస్తున్న  సినిమా ఇది.  ప్రేక్షకులకు మంచి మెసేజ్ అందిస్తున్నాము. మంచి కాన్సెప్టుతో వస్తున్న ఈ చిత్రాన్ని ప్రేక్షకులందరూ  ఆశీర్వదించాలని కోరుచున్నాను అన్నారు.

మరో నిర్మాత కుమార్ మాట్లాడుతూ.. ఈ సినిమా అలీ, రావు రమేష్ , సీనియర్ నరేష్ గార్లకు కథ నచ్చడంతో సినిమా చేయడానికి ముందుకు వచ్చారు. వారికి ఈ కథ నచ్చడంతో  ఈ సినిమాపై మాకు మరింత నమ్మకం ఏర్పడింది, ఈ సినిమా తప్పకుండా విజయం సాధిస్తుంది” అన్నారు.