డా.మోహన్, నవీన్ చంద్ర, శ్రీకాంత్ అయ్యంగార్, కోటి ప్రధాన పాత్రల్లో, డా.మోహన్ స్వీయ దర్శకత్వంలో రూపొందిస్తున్న చిత్రం ‘1997’. ఈ సినిమా నుండి ‘ఏమి బతుకు ఏమి బతుకు’ అనే పాట విడుదలైన సంగతి అందరికీ తెలిసిందే. ఈ పాట సోషల్ మీడియాలో బాగా పాపులారిటీ సంపాదించింది. యూ ట్యూబ్ లో 8 మిలియన్ వ్యూస్ సొంతం చేసుకోవడం విశేషం. కోటి సంగీతం అందిస్తున్న ఈ సినిమాలో ఈ ‘ఏమి బతుకు’ అనే పాటకు డాక్టర్ మోహన్, ఆదేష్ రవిలు లిరిక్స్ రాయగా, సింగింగ్ సెన్సేషన్ మంగ్లీ గాత్రం అందించారు.
కోటి మాట్లాడుతూ “ఈ పాట మారుమ్రోగిపోతుంది. ఇప్పటికే 8 మిలియన్ వ్యూస్ సాధించిన ఈ పాటను ప్రతి ఒక్కరూ ఆదరించారు. ఈ పాటకు మోహన్ గారు చక్కటి సాహిత్యం అందించడం, మంగ్లీ గారు పాడడం అడ్వాంటేజ్. ఆమె ఏ పాట పాడినా సూపర్ హిట్. డాక్టర్.మోహన్ డైరెక్షన్ చేస్తూ పోలీస్ ఆఫీసర్ పాత్ర పోషించారు. మన దేశంలో ఎన్నో దారుణాలు జరుగుతున్నాయి, కనీసం ఈ సినిమా చూసి అయినా వాళ్ళు మారతారు. అరుంధతి సినిమా తర్వాత తాను మ్యూజిక్ కి గ్యాప్ తీసుకున్నా, మోహన్ తనకు కొడుకు లాంటి వారు, ఆయన పట్టువదలకుండా మీరే చేయాలనీ కోరడంతో చేశా. ఇక ఈ సినిమా ఖచ్చితంగా ఆదరిస్తారని తాను నమ్ముతున్నా” అని పేర్కొన్నారు.
