ఇటీవల వెలుగు చూసిన బ్లాక్ ఫంగస్, వైట్ ఫంగస్ కేసులు దేశ ప్రజలను మరింతగా భయ పెడుతుంటే తాజాగా ఇప్పుడు ఎల్లో వైరస్ బైటపడింది. ఇది ఆ రెండు ఫంగస్ ల కంటే ప్రమాదకరమైందని వైద్య నిపుణులు చెబుతున్నారు.
తొలుత ఢిల్లీ లో ఎల్లో ఫంగస్ కేసు నమోదు కాగా రెండవది ఉత్తరప్రదేశ్ రాష్ట్రం ఘజియాబాద్ లో గుర్తించారు. దీనిపై తగిన జాగ్రత్తలు తీసుకోవాలని ఆ రాష్ట్ర ప్రభుత్వం వైద్య అధికారులను ఆదేశించింది.
ఆకలి తగ్గడం లేదా ఆకలి పూర్తిగా లేకపోడం దీని ప్రధాన లక్షణం కాగా, కళ్ళు మూసుకుపోవడం, శరీర భాగాలలో ఏర్పడిన గాయాల నుంచి విపరీతంగా చీము కారుతుందని చెబుతున్నారు. ఈ లక్షణాలు ఎలాంటి వారిలో ఎక్కువగా వస్తాయనేది స్పష్టంగా నిర్ధారణ కాకపోయినప్పటికీ వ్యాధి నిరోధక శక్తి తక్కువగా ఉన్నవారు, డయాబెటిస్, కాన్సర్ లతో బాధపడేవారు పైన పేర్కొన్న లక్షణాలు ఏవైనా గుర్తిస్తే వెంటనే వైద్యులను సంప్రదించాల్సి వుంటుంది.
