Bangarraju -Teaser: టాలీవుడ్ కింగ్ నాగార్జున, యువసామ్రాట్ నాగ‌చైత‌న్యల క్రేజీ కాంబినేష‌న్లో రూపొందుతోన్న క్రేజీ మూవీ ‘బంగార్రాజు’. నాగార్జున కెరీర్లో బెస్ట్ సినిమా ‘సోగ్గాడే చిన్ని నాయనా’ కు ప్రీక్వెల్ గా రూపొందుతోన్న ‘బంగార్రాజు’ పై అటు అభిమానుల్లోను ఇటు ఇండ‌స్ట్రీలోను భారీ అంచ‌నాలు ఏర్ప‌డ్డాయి. అన్న‌పూర్ణ స్టూడియోస్ బ్యాన‌ర్ పై ప్ర‌తిష్టాత్మ‌కంగా నిర్మిస్తున్న ఈ సినిమాలో నాగార్జున స‌ర‌స‌న ర‌మ్య‌కృష్ణ న‌టిస్తుంటే.. నాగ‌చైత‌న్య స‌ర‌స‌న ఉప్పెన బ్యూటీ కృతిశెట్టి న‌టిస్తోంది.
ఇటీవ‌ల ఈ మూవీ నుంచి రిలీజ్ చేసిన పాట‌ల‌కు అనూహ్య‌మైన స్పంద‌న ల‌భించింది. దీంతో బంగార్రాజుపై ఇప్ప‌టి వ‌ర‌కు ఉన్న అంచ‌నాలు రెట్టింపు అయ్యాయ‌ని చెప్ప‌చ్చు. అయితే.. బంగార్రాజు పండ‌గ లాంటి సినిమా అని.. సంక్రాంతికి విడుద‌ల ఖాయమని ప్ర‌చారం జ‌రుగుతున్నా విడుద‌ల తేదీ అఫిషియ‌ల్ గా అనౌన్స్ చేయ‌లేదు. దీంతో బంగార్రాజు అప్ డేట్స్ కోసం అభిమానులు ఆతృత‌గా ఎదురు చూస్తున్నారు.
ఈరోజు ఈ సినిమా నుంచి సరికొత్త అప్ డేట్ వచ్చింది… నూత‌న సంవ‌త్స‌ర కానుకగా జ‌న‌వ‌రి 1న ఉద‌యం 11.22 నిమిషాల‌కు బంగార్రాజు టీజ‌ర్ రిలీజ్ చేయ‌నున్న‌ట్టుగా ప్ర‌క‌టించారు. అయితే.. టీజ‌ర్ తో పాటు రిలీజ్ డేట్ కూడా అనౌన్స్ చేసే ఛాన్స్ ఉంది అంటున్నారు. ప్ర‌స్తుతం షూటింగ్ పూర్తి చేసుకుని చాలా ఫాస్ట్ గా పోస్ట్ ప్రొడ‌క్ష‌న్ వ‌ర్క్ జ‌రుపుకుంటుంది. సంక్రాంతి కానుకగా జ‌న‌వ‌రి 15న ప్రేక్ష‌కుల ముందుకు రానుంద‌ని బ‌లంగా టాక్ వినిపిస్తోంది. ఇదే క‌నుక నిజ‌మైతే.. అక్కినేని అభిమానుల‌కు పండ‌గే.
Also Read : ‘బంగార్రాజు’.. క్లారిటీ వ‌చ్చేది ఎప్పుడు.?
