ఆర్ఆర్ఆర్, రాధేశ్యామ్ న్యూ రిలీజ్ డేట్స్ ఇవేనా?

Dates confirmed? ఆర్ఆర్ఆర్… సినిమా అభిమానులంద‌రూ ఎంతో ఆతృత‌గా ఎదురు చూసిన సినిమా. యంగ్ టైగ‌ర్ ఎన్టీఆర్, మెగా ప‌వ‌ర్ స్టార్ రామ్ చ‌ర‌ణ్‌, ద‌ర్శ‌క‌ధీరుడు రాజ‌మౌళిల క్రేజీ కాంబినేష‌న్లో రూపొందిన ఆర్ఆర్ఆర్ జ‌న‌వ‌రి 7న విడుద‌ల కావాల్సింది. అన్నీ అనుకున్న‌ట్టుగా జ‌రిగుంటే… ఆర్ఆర్ఆర్ ఈపాటికి థియేట‌ర్లో ఉండేది కానీ… క‌రోనా కార‌ణంగా అలా జ‌ర‌గ‌లేదు. వాయిదా ప‌డింది. అలాగే పాన్ ఇండియా స్టార్ ప్ర‌భాస్ న‌టించిన తాజా చిత్రం రాధేశ్యామ్. ఈ సినిమా కూడా సంక్రాంతి కానుక‌గా జ‌న‌వ‌రి 14న విడుద‌ల కావాల్సివుంది కానీ.. వాయిదా ప‌డింది.

దీంతో ఆర్ఆర్ఆర్, రాధేశ్యామ్ చిత్రాలు విడుద‌ల అయ్యేది ఎప్పుడు అనేది ఆస‌క్తిగా మారింది. అయితే.. ఈ రెండు సినిమాల‌కు సంబంధించి తాజా అప్ డేట్ ఏంటంటే… మార్చి 18 థియేటర్లు లాక్ చేయమని డిస్ట్రిబ్యూటర్లకు యువీ క్రియేషన్స్ చెప్పిందని… దీని బట్టి మార్చి 18న రాధే శ్యామ్ విడుద‌ల ఖాయ‌మ‌ని వార్త‌లు వ‌స్తున్నాయి. ఇక ఆర్ఆర్ఆర్ మూవీ ఏప్రిల్ 29న రానుంద‌ని స‌మాచారం. అయితే.. ఈ డేట్ ని లాక్ చేయాలా ? వద్దా..? అనేది మార్చి చివర్లో నిర్ణయం తీసుకునే అవకాశం వుంది.

ఇప్పటికే చాలా వరకు ప్రమోషన్స్ పూర్తి చేశారు. ఒక నెల రోజుల ముందు మళ్ళీ ప్రమోషన్స్ జోరు పెంచి ఆర్ఆర్ఆర్ గ్రాండ్ గా థియేటర్ లోకి విడుద‌ల చేసే ఆలోచ‌న‌లో ఉంది రాజమౌళి టీం. మ‌రి.. ప్ర‌చారంలో ఉన్న ఈ డేట్స్ నే ఫైన‌ల్ చేస్తారో..?  లేక మ‌రో డేట్ ఫిక్స్ చేస్తారో…?  క్లారిటీ రావాలంటే కొన్ని రోజులు ఆగాల్సిందే.

Also Read : రాధే శ్యామ్ సైతం వాయిదా!