#nag100: టాలీవుడ్ కింగ్ నాగార్జున ఇటీవ‌ల బంగార్రాజు సినిమాతో ప్రేక్ష‌కుల ముందుకు రావ‌డం.. బ్లాక్ బ‌స్ట‌ర్ సక్సెస్ సాధించ‌డం తెలిసిందే. ప్ర‌స్తుతం నాగార్జున.. ప్ర‌వీణ్ స‌త్తారు ద‌ర్శ‌క‌త్వంలో ఘోస్ట్ అనే భారీ యాక్ష‌న్ మూవీ చేస్తున్నారు. ఇదిలా ఉంటే.. నాగార్జున 100వ చిత్రం గురించి గ‌త కొంత‌కాలంగా అభిమానులు ఆతృత‌గా ఎదురు చూస్తున్నారు కానీ.. నాగార్జున మాత్రం టైమ్ వ‌చ్చిన‌ప్పుడు 100వ చిత్రం గురించి చెబుతాను అనేవారు.
లేటెస్ట్ అప్ డేట్ ఏంటంటే… నాగార్జున 100వ చిత్రానికి ఇప్పుడు అంతా సెట్ అయ్యింద‌ని.. ఈ చిత్రానికి గాడ్ ఫాదర్ డైరెక్ట‌ర్ మోహ‌న్ రాజా ద‌ర్శ‌క‌త్వం వ‌హించ‌నున్నార‌ని తెలిసింది. ఈ భారీ, క్రేజీ మూవీని అన్న‌పూర్ణ స్టూడియోస్ బ్యాన‌ర్ పై నాగార్జున నిర్మించ‌నున్నార‌ని స‌మాచారం. మ‌రో విష‌యం ఏంటంటే.. ఇందులో అక్కినేని అఖిల్ కూడా న‌టించ‌నున్నాడ‌ట. చైత‌న్య‌తో నాగార్జున మ‌నం, బంగార్రాజు చిత్రాల్లో న‌టించారు. ఇప్పుడు అఖిల్ తో క‌లిసి న‌టించ‌నున్నార‌ట. అతి త్వ‌ర‌లోనే ఈ సినిమాను అఫిషియ‌ల్ గా అనౌన్స్ చేయ‌నున్నార‌ని టాక్ వినిపిస్తోంది. ఇదే క‌నుక జ‌రిగితే.. అక్కినేని అభిమానుల‌కు పండ‌గే.
ఇవి కూడా చదవండి: ఆడ‌వాళ్లు మీకు జోహార్లు ట్రైల‌ర్ కు అనూహ్య‌మైన స్పంద‌న.
