Chiru-Sruthi: మెగాస్టార్ చిరంజీవి రీ ఎంట్రీ త‌ర్వాత వ‌రుస‌గా సినిమాలు చేస్తున్న విష‌యం తెలిసిందే. ఆచార్య సినిమా రిలీజ్ కాకుండానే వ‌రుస‌గా సినిమాలు చేస్తు ఫుల్ బిజీగా ఉన్నారు. మోహ‌న్ రాజా ద‌ర్శ‌క‌త్వంలో గాడ్ ఫాద‌ర్, మెహ‌ర్ ర‌మేష్ డైరెక్ష‌న్ లో భోళా శంక‌ర్ మూవీ చేస్తున్నారు. అలాగే బాబీ డైరెక్ష‌న్లో ఓ భారీ చిత్రం చేస్తున్నారు. ఈ చిత్రానికి వాల్తేరు వీర‌య్య అనే టైటిల్ ప‌రిశీలిస్తున్నారు. మైత్రీ మూవీ మేకర్స్ నిర్మిస్తున్న ఈ చిత్రానికి దేవి శ్రీ ప్రసాద్ సంగీతం వహిస్తున్నాడు.
అయితే.. నేడు మహిళా దినోత్సవాన్ని పురస్కరించుకొని ఈ సినిమాలోని హీరోయిన్ ని పరిచయం చేశారు మేకర్స్. మొదటి నుంచి ప్ర‌చారంలో ఉన్న‌ట్లుగానే ఈ చిత్రంలో చిరు స‌ర‌స‌న శృతిహాస‌న్ న‌టించ‌నున్న‌ట్టుగా ప్ర‌క‌టించారు. మహిళా దినోత్సవం రోజున ఇంత కంటే మంచి వార్త ఏం ఉంటుంది.. వెల్ కమ్ శృతి అంటూ చిత్ర బృందం శృతిని సాదరంగా ఆహ్వానించింది. చిరంజీవి కూడా ట్విట్ట‌ర్ ద్వారా శృతి హాస‌న్ ఈ సినిమాలో న‌టిస్తున్న‌ట్టు తెలియ‌చేస్తూ.. ఫోటోను షేర్ చేశారు. మ‌లినేని గోపీచంద్ డైరెక్ష‌న్ లో బాల‌య్య స‌ర‌స‌న న‌టిస్తున్న శృతిహాస‌న్ ఇప్పుడు బాబీ డైరెక్ష‌న్లో చిరు స‌ర‌స‌న న‌టించే ఛాన్స్ ద‌క్కించుకోవ‌డం విశేషం.
