Ganesha: “దొరసాని”, “మిడిల్ క్లాస్ మెలొడీస్”, “పుష్పక విమానం” చిత్రాలు ప్రేక్షకాదరణ పొందాయి. ఇప్పుడు “గం.. గం.. గణేశా” ఓ డిఫరెంట్ ఫిల్మ్ చేస్తున్నారు ఆనంద్ దేవ‌ర‌కొండ. ఈ రోజు పుట్టినరోజు సందర్భంగా “గం..గం..గణేశా” చిత్రం నుంచి కొత్త పోస్టర్ ను విడుదల చేశారు. ఈ చిత్రంలో ఆనంద్ పాత్ర పేరు గణేష్ అని పోస్టర్ ద్వాారా తెలుస్తోంది. మన గణేష్ గాడి స్వాగే సెపరేటు అంటూ రిలీజ్ చేసిన ఫొటో స్కెచ్ లో పగిలిన కళ్లద్దాలు, తలకు బ్యాండేజ్ చూస్తుంటే.. గణేష్ యాక్షన్ మోడ్ లో ఉన్నట్లు అర్థమవుతోంది.
అంతే కాకుండా.. నోట్లో సిగరెట్ ద్వారా క్యారెక్టర్ కు ఉన్న స్వాగ్ ను సిగరెట్ చివర్లో లవ్ సింబల్ చూస్తుంటే హీరో లవ్ ను తెలియజేస్తుంది. ఓవరాల్ గా ఈ పోస్టర్ సినిమాలో హీరో ఆనంద్ క్యారెక్టర్ ను తెలియజేస్తుంది. హై-లైఫ్ ఎంటర్ టైన్ మెంట్ పతాకం పై కేదార్ సెలగంశెట్టి, వంశీ కారుమంచి ఈ చిత్రాన్ని నిర్మిస్తున్నారు. ఉదయ్ శెట్టి ఈ చిత్రంతో దర్శకుడిగా పరిచయం అవుతున్నారు. ఇదొక యాక్షన్ ఎంటర్ టైనర్ అని తెలుస్తోంది. ఆనంద్ ఇప్పటిదాకా చేయని యాక్షన్ జానర్ ను ఈ చిత్రంతో టచ్ చేయబోతున్నారు. చేతన్ భరద్వాజ్ సంగీతాన్ని అందిస్తున్నారు. నాయికతో పాటు ఇతర నటీనటులు, సాంకేతిక నిపుణుల వివరాలను త్వరలో వెల్లడించనున్నారు. గణేష్ పాత్రలో హీరోలు నటించిన సినిమాలు దాదాపు హిట్ అయ్యాయి ఈ సెంటిమెంట్ ఆనంద్ కు కూడా కలిసొస్తుందో లేదో చూడాలి.
Also Read : పుష్పక విమానం
