Song in Spain: మాస్ మహారాజా రవితేజ హీరోగా త్రినాధరావు నక్కిన ద‌ర్శ‌క‌త్వంలో రూపొందుతోన్న ఔట్ అండ్ అవుట్ యాక్షన్ ఎంటర్టైనర్ ‘ధమాకా’ షూటింగ్ శరవేగంగా జరుపుకుంటుంది. ఈ చిత్రాన్ని నిర్మాత టీజీ విశ్వ ప్రసాద్ భారీ ఎత్తున నిర్మిస్తున్నారు. నటి శ్రీలీల కథానాయికగా నటిస్తోంది. ఇటీవల హైదరాబాద్లో హై వోల్టేజ్ యాక్షన్ సీక్వెన్స్ ని చిత్రీకరించారు. ఈ యాక్షన్ ఎపిసోడ్ కు రామ్ – లక్ష్మణ్ మాస్టర్స్ కొరియోగ్రఫీ చేశారు. కాగా, పాటల చిత్రీకరణ కోసం టీమ్ స్పెయిన్ వెళ్లింది. ప్రస్తుతం రవితేజ, శ్రీలీల పై ఓ పాటను ప్లాజా డి ఎస్పానా అనే హిస్టారికల్ లొకేషన్లో చిత్రీకరిస్తున్నారు.
ప్లాజా డి ఎస్పానా స్పెయిన్ లోని సెవిల్లె లోని పార్క్ డి మారియా లూయిసాలో ఉన్న ప్లాజా. ఇది ప్రాంతీయ వాస్తుశిల్పంతో రూపొందిన ప్రపంచంలోనే ప్రత్యేకమైన ప్లాజా-ప్యాలెస్. రొమాంటిక్ పాటను చిత్రీకరించడానికి ఇది ఖచ్చితంగా అద్భుతమైన ప్రదేశం. ‘డబుల్ ఇంపాక్ట్’ అనే ఆసక్తికరమైన ట్యాగ్లైన్ తో ధమాకా వస్తుంది. ఇందులో ప్రముఖ నటులు కీలక పాత్రలు పోషిస్తున్నారు. టెక్నికల్ గా అగ్రశ్రేణి సాంకేతిక నిపుణులు పని చేస్తున్నారు.
ఈ చిత్రానికి ప్రసన్న కుమార్ బెజవాడ కథ, స్క్రీన్ ప్లే, సంభాషణలు అందించగా, భీమ్స్ సిసిరోలియో సంగీతం సమకూరుస్తుండగా, కార్తీక్ ఘట్టమనేని సినిమాటోగ్రఫీ అందిస్తున్నారు. వివేక్ కూచిబొట్ల సహ నిర్మాతగా వ్యవహరిస్తున్న ఈ చిత్రానికి శ్రీనాగేంద్ర తంగల ప్రొడక్షన్ డిజైనర్. ఇతర నటీనటులు, సాంకేతిక నిపుణుల వివరాలు త్వరలో వెల్లడికానున్నాయి.
