2nd Single: సూపర్ స్టార్ మహేష్ బాబు, గీత గోవిందం ఫేమ్ పరశురామ్ కాంబినేషన్లో రూపొందుతోన్న భారీ యాక్ష‌న్ ఎంట‌ర్ టైన‌ర్ ‘సర్కారు వారి పాట’. ఈ చిత్రంలో మహేష్ స‌ర‌స‌న మ‌ల‌యాళ ముద్దుగుమ్మ కీర్తి సురేష్ న‌టిస్తోంది. స‌ముద్ర‌ఖ‌ని, వెన్నెల కిషోర్ ముఖ్య‌పాత్ర‌లు పోషిస్తున్నారు. బ్యాంకు స్కామ్ నేపథ్యంలో సాగే ఈ మూవీ షూటింగ్ చివ‌రి ద‌శ‌కు చేరుకుంది. ప్ర‌స్తుతం శ‌ర‌వేగంగా షూటింగ్ జ‌రుపుకుంటోంది.
ఇటీవ‌ల ఈ మూవీ నుంచి క‌ళావతి అనే పాటను రిలీజ్ చేయ‌డం.. ఈ పాటకు అనూహ్య‌మైన స్పందన రావ‌డం తెలిసిందే. ఈ పాట ఇప్పటికే 90 మిలియన్లకు పైగా వ్యూస్ తో సోషల్ మీడియాను షేక్ చేస్తోంది. ఈ నేపథ్యంలో మ్యూజికల్ ప్రమోషన్స్ లో భాగంగా రెండో పాటను రిలీజ్ చేయడానికి రెడీ అయ్యారు. సర్కారు వారి పాట సినిమా నుంచి పెన్నీ అనే పాటను మార్చి 20న విడుదల చేయనున్నట్లు మేకర్స్ ప్రకటించారు. అంతే కాకుండా.. మహేష్ బాబుకు సంబంధించిన ఓ పోస్టర్ ని రిలీజ్ చేశారు. ఇందులో మహేష్ నల్ల కళ్ళద్దాలు పెట్టుకొని చాలా స్టైలిష్ గా క‌నిపిస్తున్నాడు. మ‌రి.. ఈ సాంగ్ ఎంత‌టి సెన్సేష‌న్ క్రియేట్ చేస్తుందో చూడాలి.
