Salaar: పాన్ ఇండియా స్టార్ ప్రభాస్ ప్ర‌స్తుతం ఆదిపురుష్‌, సలార్, ప్రాజెక్ట్ కే చిత్రాల్లో న‌టిస్తున్నాడు. సందీప్ రెడ్డి వంగ డైరెక్ష‌న్ లో ‘స్పిరిట్’ చేస్తున్నాడు. అలాగే మారుతి డైరెక్ష‌న్ లో కూడా ఓ మూవీ చేయ‌నున్నాడు. ఈ సినిమాల్లో ‘కేజీఎఫ్’ డైరెక్ట‌ర్ ప్ర‌శాంత్ నీల్ డైరెక్ష‌న్ లో రూపొందుతోన్న ‘సలార్’ పై భారీ అంచ‌నాలు ఉన్నాయి. అంచ‌నాల‌కు త‌గ్గ‌ట్టుగానే సలార్ మూవీతో మ‌రోసారి సెన్సేష‌న్ క్రియేట్ చేసేందుకు ప్ర‌శాంత్ నీల్ హార్డ్ వ‌ర్క్ చేస్తున్నాడు.
భారీ బడ్జెట్ తో రూపొందుతున్న ఈ సినిమాలో అభిమానుల కోసం బోలెడన్ని విశేషాలు రెడీ చేస్తున్నారట. ఇంత‌కీ విష‌యం ఏంటంటే.. సలార్ సినిమాలో రాకీ భాయ్ క్యామియో రోల్ చేయబోతున్నట్టు సమాచారం. ‘కేజీఎఫ్ 2’ సెన్సేష‌న్ క్రియేట్ చేయ‌డంతో కన్నడ రాక్ స్టార్ యశ్ కూడా ప్రభాస్ లాగానే జాతీయ, అంతర్జాతీయ స్థాయిలో మంచి క్రేజ్ వ‌చ్చింది. దాన్ని క్యాష్ చేసుకోవాలనే ఆలోచనతోనే యశ్ స్ర్కీన్ ప్రెజెన్స్‌ను సలార్ చిత్రానికి హైలైట్‌గా మార్చనున్నాడని తెలుస్తోంది.
కేజీఎఫ్ తరహాలోనే సలార్ చిత్రం ప్రేక్షకుల్ని ఓ రేంజ్ లో థ్రిల్ చేస్తుందని చెబుతున్నారు. ఇది వరకు ఈ సినిమా నుంచి పలు ప్రభాస్ పిక్స్ లీకై.. సోషల్ మీడియాలో వైరల్ అయ్యాయి. వాటిలో ప్రభాస్ లుక్స్ అభిమానుల్ని తెగ ఊరించాయి. ఈ నేపథ్యంలో సినిమా విడుదల కోసం ఆతృత‌గా ఎదురు చూస్తున్నారు. మ‌రి.. ఈ సినిమాలో యశ్ నటిస్తున్నాడో..? లేదో..? తెలియాలంటే.. కొన్ని రోజులు ఆగాల్సిందే.
Also Read : ప్రభాస్ స్లిమ్ కు కారణం తెలుసా?
