Not true: టాలీవుడ్ కింగ్ నాగార్జున న‌టిస్తున్న తాజా చిత్రం ది ఘోస్ట్. ఈ చిత్రానికి ప్ర‌వీణ్ స‌త్తారు ద‌ర్శ‌క‌త్వం వ‌హిస్తున్నారు. ఇందులో నాగ్ స‌ర‌స‌న ముందుగా కాజ‌ల్ అనుకున్న‌ప్ప‌టికీ.. ఆమె త‌ప్పుకోవ‌డంతో సోనాల్ చౌహాన్ న‌టించింది. దాదాపుగా ఈ సినిమా షూటింగ్ పూర్త‌య్యింది. దీంతో ప్ర‌మోష‌న్స్ స్టార్ట్ చేశారు మేక‌ర్స్. తాజాగా రిలీజ్ చేసిన పోస్ట‌ర్ సినిమాపై అంచ‌నాల‌ను అమాంతం పెంచేసింది.
ఇదిలా ఉంటే.. ది ఘోస్ట్ మూవీ ఓటీటీలో రిలీజ్ కానుంద‌ని ఓ వార్త బ‌య‌ట‌కు వ‌చ్చింది. దీంతో నాగార్జున సినిమా డైరెక్ట్ గా ఓటీటీలో రిలీజ్ కానుందా అనేది ఆసక్తిగా మారింది. ఇండ‌స్ట్రీలో హాట్ టాపిక్ అయ్యింది. గ‌తంలో కూడా నాగార్జున వైల్డ్ డాగ్ విషయంలో కూడా ఇలాంటి పుకార్లే షికారు చేసినా చివరకు సినిమా థియేటర్ల లోనే విడుదలైంది. ది ఘోస్ట్ మూవీ గురించి ఆరా తీస్తే.. ప్రచారంలో ఉన్న వార్త నిజం కాద‌ని తెలిసింది. దీన్ని థియేట‌ర్లోనే రిలీజ్ చేయ‌డానికి ప్లాన్ చేస్తున్నారు. ఇప్ప‌టి వ‌ర‌కు నాగార్జున‌ని చూడ‌ని విధంగా స‌రికొత్త‌గా చూపించ‌బోతున్నార‌ని స‌మాచారం. బంగార్రాజు మూవీతో బ్లాక్ బ‌స్ట‌ర్ సాధించి ఫుల్ జోష్ లో ఉన్న నాగార్జున ది ఘోస్ట్ మూవీతో మరో బ్లాక్ బ‌స్ట‌ర్ సాధిస్తారేమో చూడాలి.
