శంక‌ర్ మూవీలో ఎన్టీఆర్ లేదా యాష్ ?

యంగ్ టైగ‌ర్ ఎన్టీఆర్ ఆర్ఆర్ఆర్ మూవీతో సంచ‌ల‌నం సృష్టించారు. ఇందులో కొమ‌రం భీమ్ పాత్ర‌లో న‌ట విశ్వ‌రూపం చూపించ‌డంతో ఎన్టీఆర్ తో సినిమాలు చేయాల‌ని బాలీవుడ్ బ‌డా మేక‌ర్స్ సైతం పోటీప‌డుతున్నారు. అయితే.. ఎన్టీఆర్ మాత్రం నెక్ట్స్ మూవీని కొర‌టాల‌తో చేయ‌నున్న‌ట్టు ప్ర‌క‌టించారు. ఆత‌ర్వాత కేజీఎఫ్ డైరెక్ట‌ర్ ప్ర‌శాంత్ నీల్ తో చేయ‌నున్న‌ట్టుగా కూడా అనౌన్స్ చేశారు. బుచ్చిబాబుతో కూడా ప్రాజెక్ట్ ఉంద‌ని చెబుతున్నారు.

ఇదిలా ఉంటే.. గ్రేట్ డైరెక్ట‌ర్ శంక‌ర్ తో ఎన్టీఆర్ మూవీ ప్లాన్ జ‌రుగుతుంద‌ని వార్త‌లు వ‌స్తున్నాయి. ఈ క్రేజీ కాంబినేష‌న్ ని సెట్ చేస్తుంద‌ని దిల్ రాజు అంటూ గ‌త కొన్ని రోజులుగా టాక్ బ‌లంగా వినిపిస్తోంది. మ‌రో వైపు శంక‌ర్.. కేజీఎఫ్ మూవీతో సెన్సేష‌న్ క్రియేట్ చేసిన య‌ష్ తో కూడా సినిమా చేయ‌నున్న‌ట్టుగా ప్ర‌చారం జ‌రుగుతుండ‌డం ఆస‌క్తిగా మారింది. దీంతో ఎన్టీఆర్, య‌ష్‌.. ఈ ఇద్ద‌రిలో శంక‌ర్ మూవీ ఎవ‌రితో ఉంటుంది అనేది హాట్ టాపిక్ అయ్యింది.

అయితే.. శంక‌ర్ చ‌ర‌ణ్ మూవీ త‌ర్వాత భార‌తీయుడు 2 సినిమా కంప్లీట్ చేయాలి. ఆత‌ర్వాత అప‌రిచితుడు బాలీవుడ్ రీమేక్ ని ర‌ణ‌వీర్ సింగ్ తో చేయాలి. ఆత‌ర్వాత ఎన్టీఆర్ తో కానీ.. య‌ష్ తో కానీ మూవీ ఉంటుంది. ఇక ఈ ఇద్ద‌రిలో ఎవ‌రితో ముందుగా ఉంటుంది అంటే.. ఎన్టీఆర్ పేరు బ‌లంగా వినిపిస్తోంది. మ‌రి.. క్రేజీ కాంబినేష‌న్లో మూవీ గురించి ఎన్టీఆర్ కానీ.. శంక‌ర్ కానీ క్లారిటీ ఇస్తారేమో చూడాలి.

Also Read : కేజీఎఫ్ హీరో య‌ష్ నెక్ట్స్ మూవీ శంక‌ర్ తో ఫిక్స్ అయ్యిందా..?