Not now: ఐకాన్ స్టార్ అల్లు అర్జున్ పుష్ప సినిమాతో ఎంత‌టి సంచ‌ల‌నం సృష్టించాడో తెలిసిందే. పుష్ప వ‌చ్చి ఏడు నెల‌లు అవుతున్న‌ప్ప‌టికీ.. ఇంకా పుష్ప ఎఫెక్ట్ త‌గ్గ‌లేదు. సామాన్యుల నుంచి అసామాన్యుల వ‌ర‌కు పుష్ప అదిరింది అంటూ ప్ర‌శంస‌ల వ‌ర్షం కురిపిస్తుండ‌డం విశేషం. దీంతో బాలీవుడ్ లో బ‌న్నీకి డిమాండ్ బాగా పెరిగింది. తెలుగు త‌ర్వాత మ‌ల‌యాళంలో ఎక్కువ అభిమానులు సంపాదించుకున్న బ‌న్నీ ఇప్పుడు నార్త్ లో కూడా భారీగా అభిమానుల‌ను సంపాదించుకున్నాడు.
వ‌రుస‌గా తెలుగు నుంచి పాన్ ఇండియా మూవీస్ వ‌స్తుండ‌డం బాలీవుడ్ లో భారీగా విజ‌యం సాధిస్తుండ‌డం తెలిసిందే. దీంతో బాలీవుడ్ మొత్తం టాలీవుడ్ వైపు చూస్తుంది. అయితే.. టాలీవుడ్ హీరోలు బాలీవుడ్ ఎంట్రీ పై అంత‌గా ఆస‌క్తి చూపించ‌డం లేదు. ఆమ‌ధ్య మ‌హేష్ బాబు బాలీవుడ్ పై ఇంట్ర‌స్ట్ లేద‌ని.. త‌నని వాళ్లు భ‌రించ‌లేర‌ని చెప్ప‌డం సంచ‌ల‌నం అయ్యింది. ఇప్పుడు బ‌న్నీ కూడా బాలీవుడ్ ఎంట్రీ గురించి చేసిన కామెంట్స్ సంచ‌ల‌నం అయ్యాయి.
ఇంత‌కీ బ‌న్నీ ఏమ‌న్నారంటే.. బాలీవుడ్ ఎంట్రీ పై ఇంట్ర‌స్ట్ లేదు. నాకు కంఫ‌ర్ట్ అనిపించ‌దు. కాక‌పోతే కథ న‌చ్చితే బాలీవుడ్ లో సినిమా చేస్తాను అన్నారు. ఇటీవ‌ల బాలీవుడ్ డైరెక్ట‌ర్ కథ చెప్పాడు. సాదాసీదాగా అనిపించింది. సున్నితంగా తిర‌స్క‌రించాను. రొటీన్ క‌థ‌లు కాకుండా కొత్త క‌థ‌తో ఎవ‌రైనా వ‌స్తే బాలీవుడ్ లో మూవీ చేస్తాను. అక్క‌డ సినిమా చేయాలంటే ఎంతో ధైర్యం కావాలి అన్నారు. మ‌రి.. బ‌న్నీని మెప్పించి ఏ బాలీవుడ్ డైరెక్ట‌ర్ అయినా సినిమా చేస్తారేమో చూడాలి.
Also Read : ఇండియా టుడే కవర్ పేజీ పై పుష్ప‌రాజ్.
