మూడు వన్డేల సిరీస్ కోసం జింబాబ్వే లో పర్యటిస్తోన్న టీమిండియా నేడు 75వ భారత స్వాతంత్ర్య దినోత్సవాలను ఘనంగా జరుపుకుంది. కెఎల్ రాహుల్ నేతృత్వంలోని 16 మందితో కూడిన జట్టు హరారే లో ఈనెల 18 న జరగబోయే వన్డే మ్యాచ్ కోసం సన్నద్ధమవుతోంది.
నేడు జాతి యావత్తూ స్వాతంత్ర్య అమృతోత్సవ వేడుకలను ఘనంగా జరుపుకుంటున్నారు. ఈ నేపథ్యంలోనే జింబాబ్వే పర్యటనలో ఉన్న జట్టు తాము బస చేస్తున్న హోటల్ వద్ద స్వాతంత్ర్య వేడుకలు జరిపారు. ఈ వేడుకలో జట్టు సభ్యులతో పాటు తాత్కాలిక కోఅచ్ వివిఎస్ లక్ష్మణ్, సహాయక సిబ్బంది అందరూ పాల్గొన్నారు. ఈ ఫోటోను బిసిసిఐ తమ సోషల్ మీడియా ఖాతాల్లో షేర్ చేసింది.
