Oscar Award: ఆస్కార్ బ‌రిలో ఎన్టీఆర్ ఆర్ఆర్ఆర్, నాని శ్యామ్ సింగ రాయ్ చిత్రాలు. ఈ వార్త సోష‌ల్ మీడియాలో వైర‌ల్ అయ్యింది. ఆస్కార్ అవార్డ్ అంటే.. హాలీవుడ్ చిత్రాల‌కే ఇస్తారు. అయితే.. విదేశీ సినిమాల కేట‌గిరిలో ఇండియా త‌రుపున ప్ర‌తి సంవ‌త్స‌రం కొన్ని సినిమాలు పోటీకి వెళుతుంటాయి. ఈసారి ఆర్ఆర్ఆర్ మూవీ ఆస్కార్ బ‌రిలో నిలిచింద‌ని వార్తలు వ‌చ్చాయి. ఉత్త‌మ న‌టుడు కేట‌గిరిలో ఎన్టీఆర్ గ‌ట్టి పోటీ ఇవ్వ‌నున్నారని అమెరిక‌న్ మ్యాగ‌జైన్ వార్త ప్ర‌చురించింది.
ఆర్ఆర్ఆర్ మూవీ ఉత్త‌మ న‌టుడు, ఉత్త‌మ ద‌ర్శ‌కుడు, ఉత్త‌మ ర‌చ‌యిత కేట‌గిరిలో పోటీప‌డ‌నున్న‌ట్టు వార్తలు రావ‌డంతో ఎన్టీఆర్ ఫ్యాన్స్ తెగ సంబ‌ర‌ప‌డిపోయారు. ఇండియా నుంచి ఆస్కార్ పోటీకి రేర్ గా వెళుతుంటాయి కానీ.. అవార్డ్ గెలుచుకోలేక పోతుంటాయి. ఈసారి ఖ‌చ్చితంగా వ‌స్తుంద‌ని ఎన్టీఆర్ అభిమానులు ఆశ‌తో ఉన్నారు. ఇదిలా ఉంటే.. ఎన్టీఆర్ మూవీతో పాటు నాని సినిమా శ్యామ్ సింగ రాయ్ కూడా ఆస్కార్ బ‌రిలో నిలిచింద‌ని వార్తలు వ‌స్తున్నాయి.
మూడు విభాగాల్లో శ్యామ్ సింగ రాయ్ ఆస్కార్ కి నామినేట్ అయ్యింద‌ని టాక్ వినిపిస్తోంది. క‌ల్చ‌ర‌ల్ క్లాసిక్ డ్యాన్స్, పీరియాడిక్ ఫిల్మ్, బ్యాక్ గ్రౌండ్ స్కోర్ ఈ మూడు విభాగాల్లో నామినేట్ అయ్యింద‌ని స‌మాచారం. దీంతో ఈ రెండు చిత్రాలు సోష‌ల్ మీడియాలో ట్రెండ్ గా మారాయి. ఈ రెండు సినిమాల్లో ఏదో ఒక దానికి అవార్డు వ‌చ్చిందా తెలుగు సినిమా పేరు మారుమ్రోగిపోవ‌డం ఖాయం అంటున్నారు సినీ జ‌నాలు. మ‌రి.. ఏం జ‌ర‌గ‌నుందో చూడాలి.
Also Read: అల్లిపూల వెన్నెల
