మహేష్ బాబు, త్రివిక్రమ్ కాంబినేష‌న్లో ఓ భారీ చిత్రం రూపొందుతోన్న విష‌యం తెలిసిందే. చిత్రాన్ని ప్ర‌ముఖ నిర్మాణ సంస్థ హారిక అండ్ హాసిని క్రియేష‌న్స్ బ్యాన‌ర్ పై రాధాకృష్ణ నిర్మిస్తున్నారు. ‘అత‌డు’, ‘ఖ‌లేజా‘ చిత్రాల త‌ర్వాత వీరిద్ద‌రూ క‌లిసి సినిమా చేస్తుండ‌డంతో అటు అభిమానుల్లోనూ, ఇటు ఇండ‌స్ట్రీలోనూ భారీ అంచనాలు ఏర్ప‌డ్డాయి. ఇటీవ‌ల సెట్స్ పైకి వ‌చ్చిన ఈ సినిమా తాజా షెడ్యూల్ ను త్వ‌ర‌లో ప్రారంభించ‌నున్నారు.
ఈ సినిమాలో విల‌న్ క్యారెక్ట‌ర్ కోసం సీనియ‌ర్ హీరో అనిల్ కపూర్ అనుకున్న‌ట్టుగా ప్ర‌చారం జ‌రిగింది. ఆత‌ర్వాత కన్నడ స్టార్ ఉపేంద్ర పేరు తెర పైకి వ‌చ్చింది. అయితే.. ఫైన‌ల్ గా మలయాళ స్టార్ పృథ్వీరాజ్ ని ఎంపిక చేశార‌ని టాక్ వినిపిస్తోంది. ఈ సినిమాలో పృథ్వీరాజ్ పాత్ర చాలా పవర్ ఫుల్ గా ఉంటుందట. ఈ పాత్రకి పృథ్వీరాజ్ అయితేనే సరైన న్యాయం జరుగుతుందని భావిస్తున్నార‌ట త్రివిక్రమ్.
పృథ్వీరాజ్ కు ఇప్పటికే త్రివిక్రమ్ కథ కూడా చెప్పార‌ట. పృథ్వీరాజ్ ఒప్పుకుంటే.. ఈ సినిమా పై మలయాళంలో కూడా భారీ అంచనాలు క్రియేట్ అవుతాయి. ఇక ఈ సినిమాను తెలుగుతో పాటు హిందీ, తమిళ, కన్నడ, మలయాళ భాషల్లో కూడా ఒకేసారి రిలీజ్ చేసేందుకు చిత్రబృందం ప్లాన్ చేస్తోందని టాక్. మ‌రి.. ఈ మూవీతో మహేష్, త్రివిక్రమ్ ఏ రేంజ్ స‌క్సెస్ సాధిస్తారో చూడాలి.
