పవర్ స్టార్ పవన్ కళ్యాణ్ ప్రస్తుతం ‘అయ్యప్పనుమ్ కోషియమ్’ రీమేక్, ‘హరి హర వీరమల్లు’ చిత్రాల్లో నటిస్తున్న విషయం తెలిసిందే. అయ్యప్పనుమ్ కోషియమ్ రీమేక్ కి యంగ్ టాలెంటెడ్ డైరెక్టర్ సాగర్ చంద్ర దర్శకత్వం వహిస్తున్నారు. ఈ చిత్రానికి మాటల మాంత్రికుడు త్రివిక్రమ్ శ్రీనివాస్ స్ర్కీన్ ప్లే – సంభాషణలు అందిస్తుండడం విశేషం. ఈ సినిమా తాజా షెడ్యూల్ ను ఈ నెల 12 నుంచి ప్రారంభించనున్నారని సమాచారం. పవర్ స్టార్ పవన్ కళ్యాణ్ – పాన్ ఇండియా స్టార్ రానా కాంబినేషన్ లో రూపొందుతోన్న ఈ మూవీలో రానా సరసన ఐశ్వర్య రాజేష్ నటిస్తుంది.
పవన్ కళ్యాణ్ సరసన నటించే హీరోయిన్ కోసం కొంత మంది తారల పేర్లు పరిశీలించి ఫైనల్ గా నిత్యమీనన్ ను ఖరారు చేశారు. ఈ నెల 12 నుంచి పవన్ కళ్యాణ్ షూటింగ్ లో జాయిన్ అవుతారు. ఈ షెడ్యూల్ 12 నుంచి 18 వరకు జరుగుతుంది. ఈ షెడ్యూల్ లో పవన్ కళ్యాణ్, నిత్యమీనన్ ల పై కీలక సన్నివేశాలను చిత్రీకరిస్తారని సమాచారం. ఇక ఈ మూవీ టైటిల్ విషయానికి వస్తే.. ‘పరశురామ రామకృష్ణమూర్తి’ అనే టైటిల్ పరిశీలనలో ఉంది. దాదాపుగా ఈ టైటిల్ నే ఫిక్స్ చేయనున్నారని వార్తలు వస్తున్నాయి. అయితే.. చిత్రయూనిట్ మాత్రం ప్రచారంలో ఉన్న టైటిల్ పై స్పందించలేదు. మరి.. త్వరలో క్లారిటీ ఇస్తుందేమో చూడాలి.
