టి20 వరల్డ్ కప్ క్వాలిఫైర్ మ్యాచ్ లో స్కాట్లాండ్ చేతిలో వెస్టిండీస్ 42 పరుగుల తేడాతో పరాజయం పాలైంది. తొలుత బౌలింగ్ లో విఫలమైన విండీస్ తర్వాత కూడా రాణించలేక చతికిల పడింది.
హోవార్ట్ లోని బెల్లి రైవ్ లో జరిగిన ఈ మ్యాచ్ లో వెస్టిండీస్ టాస్ గెలిచి బౌలింగ్ ఎంచుకుంది. ఐర్లాండ్ తొలి వికెట్ కు (మైఖేల్ జోన్స్-20) 55 పరుగులు చేసింది. మరో ఓపెనర్ మున్షీ 66 పరుగులతో అజేయంగా నిలవగా, మెక్ లియోడ్-23; బెర్రింగ్టన్-16 పరుగులు చేశారు. నిర్ణీత 20 ఓవర్లలో ఐదు వికెట్లకు 160 పరుగులు చేసింది.
విండీస్ బౌలర్లలో అల్జారీ జోసెఫ్, హోల్డర్ చెరో రెండు; ఓడియన్ స్మిత్ ఒక వికెట్ పడగొట్టారు.
లక్ష్య ఛేదనలో విండీస్ 20 పరుగులకే మొదటి వికెట్ (కేల్ మేయర్స్-20) కోల్పోయింది. జేసన్ చక్కని భాగస్వామ్యం నమోదు చేయడంలో బ్యాట్స్ మెన్ విఫలమయ్యారు. జేసన్ హోల్డర్ (38) ఒక్కడే రాణించాడు. 18.3 ఓవర్లలో 118 పరుగులకే విండీస్ ఆలౌట్ అయ్యింది.
ఐర్లాండ్ బౌలర్లలో మార్క్ వాట్ మూడు; బ్రాడ్ వీల్, మైఖేల్ లీస్క్ చెరో రెండు; జోష్ డావీ, సఫియాన్ చెరో వికెట్ పడగొట్టారు.
జార్జ్ మున్షీ కి ‘ప్లేయర్ ఆఫ్ ద మ్యాచ్’ లభించింది.
Also Read : క్వాలిఫైర్ మ్యాచ్ లో లంకకు నమీబియా షాక్
