ఆది సాయికుమార్, పాయ‌ల్‌రాజ్ పుత్ హీరో హీరోయిన్లుగా ఎం.వీరభద్రమ్ ద‌ర్శ‌కత్వంలో రూపొందుతోన్న భారీ చిత్రం ‘కిరాతక’. విజ‌న్ సినిమాస్ ప‌తాకంపై ప్రొడ‌క్ష‌న్ నెం.3గా ప్రముఖ వ్యాపారవేత్త డా. నాగం తిరుపతి రెడ్డి భారీ బ‌డ్జెట్‌తో ఈ చిత్రాన్ని నిర్మిస్తున్నారు. ఈ టైటిల్ కి మంచి రెస్పాన్స్ వ‌చ్చింది. ఈ రోజు `కిరాతక` ఫ‌స్ట్ లుక్ పోస్టర్ ను విడుదల చేశారు. రెగ్యుల‌ర్ షూటింగ్ ఆగస్ట్ 13నుండి ప్రారంభంకానుంది.
పాయ‌ల్ రాజ్‌పూత్ మాట్లాడుతూ “నేను ఇప్ప‌టివ‌ర‌కు చాలా క‌థ‌లు విన్నాను..కాని ఈ థ్రిల్ల‌ర్ కథ నాకు బాగా న‌చ్చింది. నటనకు అవకాశం ఉన్న క్యారెక్ట‌ర్‌. అలాగే ఆదితో ఫ‌స్ట్ టైమ్ న‌టిస్తున్నందుకు చాలా ఎగ్జైటింగ్‌గా ఉంది. ఈ అవకాశం ఇచ్చిన ద‌ర్శ‌కుడు వీర‌భ‌ద్ర‌మ్‌గారికి, నిర్మాత నాగం తిరుపతిరెడ్డిగారికి స్పెష‌ల్ థ్యాంక్స్‌”అన్నారు.
“మా విజ‌న్ సినిమాస్ బ్యాన‌ర్‌లో ప్రొడ‌క్ష‌న్ నెం.3గా ‘కిరాతక’ చిత్రం రూపొందుతోంది. త‌ప్ప‌కుండా క‌మ‌ర్షియ‌ల్‌గా బిగ్ సక్సెస్ సాధిస్తాం అనే న‌మ్మ‌కం ఉంది. త్వ‌ర‌లో గ్రాండ్ ఓపెనింగ్ జ‌రిపి ఆగస్ట్ 13నుండి రెగ్యుల‌ర్ షూటింగ్ ప్రారంభిస్తాం:” అన్నారు నాగం తిరుపతి రెడ్డి.
వీరభద్రమ్ మాట్లాడుతూ “ప్ర‌స్తుతం ఆర్టిస్టుల ఎంపిక జ‌రుగుతోంది. ఈ చిత్రంలో పూర్ణ ఒక ప‌వ‌ర్‌ఫుల్ పోలీస్ ఆఫీస‌ర్ పాత్ర‌లో న‌టిస్తోంది. అలాగే దాస‌రి అరుణ్ కుమార్, దేవ్‌గిల్ కీల‌క పాత్ర‌ల‌లో న‌టిస్తున్నారు. ఆది ఇంత వ‌ర‌కూ చూడ‌ని ఒక స‌రికొత్త పాత్ర‌లో క‌నిపించ‌నున్నార”ని వివరించారు.
