ఐకాన్ స్టార్ అల్లు అర్జున్, క్రియేటీవ్ డైరెక్టర్ సుకుమార్ కాంబినేషన్లో రూపొందిన భారీ పాన్ ఇండియా మూవీ పుష్ప. ఈ సినిమా ఎంతటి సెన్సేషన్ క్రియేట్ చేసిందో తెలిసిందే. ఈ సినిమాతో ఒక్కసారిగా అల్లు అర్జున్ కు జాతీయ స్థాయిలోనే కాకుండా అంతర్జాతీయ స్థాయిలో క్రేజ్ ఏర్పడింది. ఇప్పుడు పుష్ప చిత్రాన్ని రష్యాలో రిలీజ్ చేయడంతో.. అక్కడ పుష్ప టీమ్ కు ఘన స్వాగతం చెప్పారు. దీంతో పుష్ప 2 మూవీ పై మరింత క్రేజ్ ఏర్పడింది. ఇటీవల పుష్ప 2 షూటింగ్ ప్రారంభించారు. త్వరలోనే అల్లు అర్జున్ పుష్ప 2 షూటింగ్ లో జాయిన్ కానున్నారు.
పుష్ప మూవీకి రష్యాలో సూపర్ రెస్పాన్స్ చూసిన సుక్కు పుష్ప 2 విషయంలో భారీ ప్లానే రెడీ చేశారని తెలిసింది. ఇంతకీ మేటర్ ఏంటంటే… పుష్ప 2 ప్రపంచ వ్యాప్తంగా మరింత మందికి చేరువ అయ్యేలా పుష్ప 2 టీజర్ ను అవతార్ 2 రిలీజ్ అవుతున్న థియేటర్లో రిలీజ్ చేసేలా ప్లాన్ చేస్తున్నారు. ఇప్పటికే పుష్ప 2 కోసం ఒక చిన్న షెడ్యూల్ ను కూడా కంప్లీట్ చేశారు. సుకుమార్ రష్యా నుండి వచ్చిన తర్వాత పూర్తి స్థాయిలో షూటింగ్ చేయబోతున్నారట. ఇక పుష్ప 2 సినిమాను కేవలం పాన్ ఇండియా మూవీ అన్నట్లుగా కాకుండా పాన్ వరల్డ్ మూవీ అన్నట్లుగా విడుదల చేయాలి అనుకుంటున్నారు మేకర్స్.
పుష్ప 2 సినిమాను ఒకేసారి 20 దేశాల్లో విడుదల చేసేలా ప్లాన్ చేస్తున్నారు. కొన్ని దేశాల్లో ఆయా దేశాల భాషల్లో డబ్బింగ్ చేసి విడుదల చేయనుండగా మరి కొన్ని దేశాల్లో సబ్ టైటిల్స్ తో రిలీజ్ చేస్తారట. పుష్ప 2 రిలీజ్ డేట్ విషయంలో ఇంకా ఎలాంటి క్లారిటీ అయితే లేదు కానీ.. ఈ సినిమాను 2023 డిసెంబర్ లో విడుదల చేసే అవకాశాలు ఉన్నాయంటూ వార్తలు వస్తున్నాయి. డిసెంబర్ లో కుదరకపోతే 2024 సమ్మర్ లో రిలీజ్ చేసే ఛాన్స్ ఉంది. సుక్కు ప్లాన్ చేస్తుంటే… పుష్ప 2 మూవీతో వరల్డ్ వైడ్ గా సెన్సేషన్ క్రియేట్ చేస్తారనిపిస్తుంది.
