సిక్కింలో ఘోర రోడ్డు ప్రమాదం జరిగింది. చాటెన్‌ నుంచి తంగు తిరిగి వెళ్తుండగా జెమా ప్రాంతంలో అదుపుతప్పి ఆర్మీ ట్రక్కు బోల్తా పడింది. ఈ ప్రమాదంలో 16 మంది సైనికులు దుర్మరణం చెందారు. వీరిలో ముగ్గురు జూనియర్‌ కమిషన్డ్‌ ఆఫీసర్లు, 13 మంది సైనికులు ఉన్నారు. మరో నలుగురు జవాన్లు తీవ్రంగా గాయపడ్డారు. క్షతగాత్రులను హెలికాప్టర్‌లో ఆస్పత్రికి తరలించారు.
ఉత్తర సిక్కింలో జరిగిన ఈ ప్రమాదంలో చనిపోయిన సైనికుల వివరాలు తెలియాల్సి ఉంది. ఉత్తర ప్రాంతంలో ఉదయం 11 వరకు పొగమంచు కమ్ముకొని ఉండటం..ప్రమాదానికి కారణం అయి ఉండవచ్చని ప్రాథమిక సమాచారం.
