ఆర్ఆర్ఆర్ మూవీలో యంగ్ టైగర్ ఎన్టీఆర్ కొమరం భీమ్ క్యారెక్టర్ లో అద్భుతంగా నటించి మెప్పించారు. ఈ మూవీతో నార్త్ లో మంచి క్రేజ్ సొంతం చేసుకున్నారు ఎన్టీఆర్. ఇప్పుడు తన క్రేజ్ కు తగ్గ సినిమాలు చేయాలని కథల విషయంలో చాలా కేర్ తీసుకుంటున్నారు. ఎప్పుడో మొదలు కావాల్సిన ఎన్టీఆర్- కొరటాల శివ సినిమా కూడా కథలో మార్పుల కారణంగా ఆలస్యమైంది. త్వరలోనే షూటింగ్ మొదలుకానుంది. ఈ మూవీని దసరాకి రిలీజ్ చేయాలనేది ప్లాన్.
అయితే.. కొరటాల మూవీ తర్వాత ఎన్టీఆర్… కేజీఎఫ్, సలార్ చిత్రాల దర్శకుడు ప్రశాంత్ నీల్ తో సినిమా చేయనున్నారు. ఈ మూవీని ఎప్పుడో ప్రకటించారు. యంగ్ టైగర్ ఎన్టీఆర్ అభిమానులు కూడా ఈ సినిమాకోసం ఈగర్ గా వెయిట్ చేస్తున్నారు. అయితే.. ఓ ఇంట్రెస్టింగ్ అప్ డేట్ వినిపిస్తోంది. అది ఏంటంటే… ఈ సినిమా మల్టీస్టారర్ అని టాక్ నడుస్తోంది. ఈ సినిమాలో ఓ సీనియర్ హీరోకి సెట్ అయ్యే క్యారెక్టర్ ఉందట. కాబట్టి.. ఆ పాత్రలో ఓ బాలీవుడ్ స్టార్ ను నటింపజేయాలని అనుకుంటున్నారట.
ముఖ్యంగా అమీర్ ఖాన్ అయితే, ఆ పాత్రకు పూర్తి న్యాయం జరుగుతుందని ప్రశాంత్ నీల్ అనుకుంటున్నారట. ఇక ఈ చిత్రాన్ని తెలుగు, కన్నడ భాషల్లో ఏకకాలంలో తెరకెక్కించేందుకు నీల్ ప్లాన్ చేస్తున్నాడని సమాచారం. ఏది ఏమైనా ప్రశాంత్ నీల్ – ఎన్టీఆర్ కలయికలో సినిమా వస్తోంది అనేసరికి నేషనల్ రేంజ్ లో ఈ సినిమా పై భారీ అంచనాలు ఉన్నాయి. ఎన్టీఆర్ మాస్ ఇమేజ్ కి, ప్రశాంత్ నీల్ విజువల్స్ తోడు అయితే.. మరో వండర్ ఫుల్ సినిమా అయ్యే అవకాశం ఉంది. మరి.. ఈ మూవీలో అమీర్ ఖాన్ నటించడం కనుక నిజమైతే.. ఈ మూవీ వేరే లెవల్ లో ఉంటుంది.
