పశ్చిమ బెంగాల్ బీర్‌బ‌మ్ జిల్లాలో దారుణం జ‌రిగింది. మయూరేశ్వ‌ర్ బ్లాక్‌లోని ప్రాథమిక పాఠశాలలో మ‌ధ్యాహ్న భోజ‌నం తిన్న విద్యార్థులు తీవ్ర అస్వ‌స్థ‌త‌కు గుర‌య్యారు. మిడ్ డే మీల్‌లో పాము వ‌చ్చిన్న‌ట్లు గుర్తించారు. ఆ భోజ‌నం తిన్న సుమారు 30 మంది విద్యార్థులు అస్వ‌స్థ‌త‌కు లోన‌య్యారు. ప‌ప్పు దినుసులు ఉన్న ఒక కంటేన‌ర్‌లో కూడా పామును గుర్తించిన‌ట్లు భోజ‌నం వండిన సిబ్బంది తెలిపారు.
మ‌ధ్యాహ్న భోజ‌నం తిన్న చిన్నారుల్ని రామ్‌పూర్‌హ‌ట్ మెడిక‌ల్ కాలేజీకి త‌ర‌లించారు. పిల్ల‌లు వాంతులు చేసుకోవడంతో వారిని త‌క్ష‌ణ‌మే హాస్పిట‌ల్‌కు తీసుకువెళ్లారు. ప్రైమ‌రీ స్కూళ్ల జిల్లా ఇన్‌స్పెక్ట‌ర్‌కు ఈ విష‌యాన్ని తెలియ‌జేశారు. అయితే హాస్పిట‌ల్‌లో చికిత్స పొందిన విద్యార్థుల్ని డిశ్చార్జ్ చేశారు. ఆగ్ర‌హంతో ఉన్న గ్రామ‌స్థులు స్కూల్ హెడ్‌మాస్ట‌ర్‌పై దాడి చేశారు. అత‌ని టూవీల‌ర్‌ను ధ్వంసం చేశారు.
