మెగాస్టార్ చిరంజీవి, మాస్ మహారాజా రవితేజ కాంబినేషన్లో రూపొందిన భారీ, క్రేజీ మూవీ వాల్తేరు వీరయ్య. ఈ చిత్రానికి బాబీ దర్శకత్వం వహించారు. మైత్రీ మూవీ మేకర్స్ ఈ చిత్రాన్ని అత్యంత ప్రతిష్టాత్మకంగా నిర్మించింది. ఇందులో చిరంజీవికి జంటగా శృతిహాసన్ నటిస్తే.. రవితేజకు జంటగా కేథరిన్ నటించింది. సంక్రాంతి కానుకగా ప్రేక్షకుల ముందుకు వచ్చిన వాల్తేరు వీరయ్య చిత్రం తెలుగు రాష్ట్రాల్లోనే కాకుండా ఓవర్ సీస్ లో సైతం రికార్డు కలెక్షన్స్ తో దూసుకెళుతుంది. మూడు రోజులకు 108 కోట్లు కలెక్ట్ చేసి సంచలనం సృష్టించింది.
అయితే.. చిరంజీవి, రవితేజ కలిసి గతంలో అన్నయ్య సినిమాలో నటించారు. ఆ సినిమా సూపర్ డూపర్ హిట్ అయ్యింది. మళ్లీ ఇన్నాళ్లకు చిరంజీవి, రవితేజ కలిసి వాల్తేరు వీరయ్య అనే సినిమా చేశారు. ఈ సినిమా బ్లాక్ బస్టర్ అయ్యింది. లేటెస్ట్ గా చిత్ర యూనిట్ సక్సెస్ మీట్ ని కూడా అరేంజ్ చేయగా అందులో రవితేజ మెగాస్టార్ తో మరో సినిమా కోసం గ్రీన్ సిగ్నల్ ఇవ్వడం అభిమానుల్లో ఉత్సహాన్ని నింపింది. తాను ఈసారి మరో ఫుల్ లెంగ్త్ సినిమా అన్నయ్యతో చేయాలనుకుంటున్నానని చెప్పడం ఆసక్తిగా మారింది.
ఈ సినిమాలో సెకండాఫ్ నుంచి రవితేజ కనిపించిన సంగతి తెలిసిందే. కానీ అభిమానుల్లో కూడా మళ్ళీ అన్నయ్య లాంటి సినిమా ఇద్దరి మధ్య పడాలి అని కోరుకుంటున్నారు. అంతే కాకుండా ఎవరైనా మా ఇద్దరికీ సెట్ అయ్యే కథ రెడీ చేయండి. సినిమా చేయడానికి మేము రెడీ అంటూ ఓపెన్ ఆఫర్ ఇచ్చారు. రైటర్స్ అండ్ డైరెక్టర్స్ కి ఇదొక మంచి ఛాన్స్ అని చెప్పచ్చు. మరి మళ్ళీ ఈ కాంబినేషన్ లో అలాంటి సినిమా ఎప్పుడు సాధ్యం అవుతుందో చూడాలి. అదే ఫిక్స్ అయితే మళ్ళీ పూనకాలు గ్యారెంటీ అని చెప్పొచ్చు.
