చైనాలో జ‌నాభా త‌గ్గుతోంది. గ‌త ఏడాది జ‌నాభా గ‌ణ‌నీయంగా త‌గ్గిన‌ట్లు అధికారులు ప్ర‌క‌టించారు. గ‌డిచిన 60 ఏళ్ల‌తో పోలిస్తే గ‌త ఏడాదిలె తొలిసారి జ‌నాభా సంఖ్య త‌గ్గిన‌ట్లు తెలిపారు. దీనికి సంబంధించిన డేటాను కూడా అధికారులు వెల్ల‌డించారు. సుమారు 140 కోట్ల జ‌నాభా ఉన్న చైనాలో ప్ర‌స్తుతం జ‌న‌న రేటు త‌గ్గిన‌ట్లు అంచ‌నాకు వ‌చ్చారు. దీని వ‌ల్ల ఆర్థిక ప్ర‌గ‌తిపై ప్ర‌భావం ప‌డే అవ‌కాశం ఉంద‌ని భావిస్తున్నారు.
గ‌తంలో 1960లో చైనాలో జ‌నాభా త‌గ్గింది. అప్ప‌ట్లో మావో అమలు చేసిన వ్య‌వ‌సాయ విధానం ఆ దేశంపై తీవ్ర ప్ర‌భావం చూపింది. దీంతో చైనా ఆధునిక చ‌రిత్ర‌లోనే ఆ రోజుల్లో తీవ్ర క‌రువు వ‌చ్చింది. ఆ త‌ర్వాత జ‌నాభా వేగంగా పెరిగినా.. 1980 ద‌శ‌కంలో వ‌న్ చైల్డ్ పాల‌సీని ప్ర‌వేశ‌పెట్టారు. అధిక జ‌నాభా క‌లుగుతుంద‌న్న భ‌యంతో అప్ప‌ట్లో ఆ నిర్ణ‌యం తీసుకున్నారు. జ‌నాభాను పెంచేందుకు ఇటీవ‌ల ఒక జంట‌కు ముగ్గురు సంతానం ఉంచ‌వ‌చ్చు అని ఆదేశాలు జారీ చేసిన విష‌యం తెలిసిందే.
