అమరావతి రాజధాని భూముల్లో ఇన్సైడర్ ట్రేడింగ్ జరిగిందంటూ దాఖలైన పిటిషన్ పై తదుపరి విచారణను సుప్రీంకోర్టు జూలై 19కి వాయిదా వేసింది. నేడు జరిగిన విచారణలో వాడీవాడిగా వాదోపవాదాలు జరిగాయి. వినీత్ శరణ్, దినేష్ మహేశ్వరి లతో కూడిన ధర్మాసనం ఈ కేసు విచారణ చేపట్టింది. రాష్ట్ర ప్రభుత్వం తరఫున దుష్యంత్ దవే వాదనలు వినిపించారు. ఈ కేసును సిట్ కేసుతో జతచేసి విచారించాలన్న దవే వాదనను సుప్రీం కోర్టు తోసిపుచ్చింది.
ఏపీ ప్రభుత్వం తరఫున వాదనలు:
- రాజధాని రాకముందే అప్పటి మంత్రులు భూములు కొనుగోలు చేశారు
- ఆస్తుల కొనుగోలులో అధికారులు, నేతలు ప్రైవేటు వ్యక్తులతో కుమ్మక్కయారు
- దర్యాప్తును ఆపే అధికారం హైకోర్టుకు లేదు
- హైకోర్టు అన్ని పరిశీలించకుండానే ఉత్తర్వులు ఇచ్చింది
- హరియాణా భూములపై ఇచ్చిన తీర్పు ఆధారంగా విచారణ చేపట్టాలి
- అమరావతికి చెందిన మిగిలిన కేసులతో కలిపి విచారించాలి
సుప్రీం కోర్టు పరిశీలనలు…
- దుష్యంత్ దవే వాదనతో ఏకీభవించని ధర్మాసనం
- హైకోర్టు అన్ని విషయాలు పరిశీలించాకే తుది ఉత్తర్వులు ఇచ్చింది
- భూముల కొనుగోలు వ్యవహారంలో హైకోర్టు అన్ని అంశాలు పరిశీలించింది
- ఇన్సైడర్ ట్రేడింగ్ ఈ కేసుకు వర్తించదని హైకోర్టు ఇచ్చిన తీర్పులో తప్పేముంది
- రాజధాని అంశం బహిరంగ రహస్యమని హైకోర్టు వ్యాఖ్యలు సహేతుకమే
- భూములు అమ్మినవాళ్ళు తాము మోసపోయామని చెప్పారా?
- నష్టం వచ్చినవాళ్ళు కోర్టును ఆశ్రయించాలి కానీ, ప్రభుత్వానికి వచ్చిన నష్టం ఏమిటి?
వాదనలు వినిపించడానికి మరింత సమయం కావాలని దవే చేసిన విజ్ఞప్తి మేరకు కేసు విచారణను సోమవారానికి వాయిదా ధర్మాసనం వాయిదా వేసింది.
