ప్రభాస్ నటించిన లేటెస్ట్ మూవీ ‘ఆదిపురుష్‘. ఈ చిత్రానికి ఓంరౌత్ దర్శకత్వం వహిస్తున్నారు. రామాయణం ఆధారంగామూవీ అత్యంత ప్రతిష్టాత్మకంగా రూపొందుతోంది. ఇందులో ప్రభాస్ రాముడుగా నటిస్తుంటే.. కృతిసనన్ సీతగా నటిస్తుంది. సైఫ్ ఆలీఖాన్ రావణుడుగా నటిస్తున్నాడు. ఆమధ్య ఆదిపురుష్ మూవీ టీజర్ రిలీజ్ చేశారు. ఈ టీజర్ పై ప్రశంసలు కన్నా.. విమర్శలే ఎక్కువుగా వచ్చాయి. గ్రాఫిక్స్ సరిగా లేవని.. బొమ్మల సినిమాలా ఉందని విమర్శలు రావడంతో మళ్లీ గ్రాఫిక్స్ వర్క్ చేస్తున్నారు.
ఓం రౌత్ మళ్ళీ సినిమా అవుట్ పుట్ పై దృష్టి పెట్టి విజువల్ ఎఫెక్ట్స్ పరంగా మరింత బెటర్ చేసే ప్రయత్నం చేస్తున్నారు. దీంతో ఈ సినిమాని ఏకంగా ఆరు నెలల పాటు పోస్ట్ పోన్ చేశారు. దీని వలన బడ్జెట్ బాగా పెరిగింది. ఇక ఈ చిత్రాన్ని జూన్ 16న రిలీజ్ చేయడానికి ప్లాన్ చేస్తున్నారు. దీనికి సంబందించిన డేట్ ని ఇప్పటికే కన్ఫర్మ్ చేశారు. వరల్డ్ వైడ్ గా ఈ సినిమా అందరికి రీచ్ కావాలనే ఉద్దేశ్యంతో కాస్తా హాలీవుడ్ కామిక్ వెర్షన్ లో క్యారెక్టర్స్ ని ఎస్టాబ్లిష్ చేసినట్లు ఓంరౌత్ చెప్పారు. అయితే.. రామాయణం గొప్పతనాన్ని ప్రపంచానికి చెప్పే ప్రయత్నం చేస్తున్నాం కానీ.. ఎక్కడా తక్కువ చేసి చూపించడం లేదన్నారు.
ఇదిలా ఉంటే.. ఇప్పుడు ఆదిపురుష్ రిలీజ్ అవ్వబోతున్న రోజే హాలీవుడ్ లో మరో సూపర్ హీరో మూవీ ‘ది ఫ్లాష్’ రిలీజ్ కాబోతుంది. అఫీషియల్ గా చిత్ర నిర్మాతలు రిలీజ్ డేట్ అనౌన్స్ చేశారు. హాలీవుడ్ లో వచ్చే సూపర్ హీరో చిత్రాలకి ఓవర్ సీస్ లో మంచి డిమాండ్ ఉంటుంది. ఈ నేపధ్యంలో ఆదిపురుష్ రిలీజ్ రోజే ది ఫ్లాష్ కూడా రిలీజ్ కాబోతుండడంతో ఖచ్చితంగా వరల్డ్ మార్కెట్ లో సినిమాకి కొంత ఎఫెక్ట్ అవుతుందని భావిస్తున్నారు సినీ పండితులు. దీంతో ఆదిపురుష్ మూవీకి ఓవర్ సీస్ లో గట్టి పోటీతప్పదు అనిపిస్తుంది. మరి.. ఆదిపురుష్ మూవీ ఎంత వరకు మెప్పిస్తుందో చూడాలి.
