ఈ మధ్య కాలంలో చిన్న సినిమాగా వచ్చి పెద్ద విజయాన్ని అందుకున్న సినిమాగా ‘రైటర్ పద్మభూషణ్’ కనిపిస్తుంది. సుహాస్ హీరోగా చేసిన ఈ సినిమాను అనురాగ్ రెడ్డి నిర్మించగా, షణ్ముఖ ప్రశాంత్ దర్శకత్వం వహించాడు. టీనా శిల్పరాజ్ హీరోయిన్ గా చేసిన ఈ సినిమాలో, ఆశిష్ విద్యార్ధి – రోహిణి ముఖ్యమైన పాత్రలను పోషించారు. శేఖర్ చంద్ర – కల్యాణి మాలిక్ సంగీతాన్ని సమకూర్చారు. ఈ ఏడాది ఫిబ్రవరి 3వ తేదీన ఈ సినిమా థియేటర్లకు వచ్చింది.
ఈ సినిమా విడుదలకి ముందు ఎలాంటి అంచనాలు లేవు. రచనలు .. పుస్తకాలు అనే మాటలు వినగానే ఇదేదో బోరింగ్ సబ్జెక్ట్ అనుకున్నారు. కానీ థియేటర్ కి వెళ్లినవారిలో కథకి కనెక్ట్ కాకుండా బయటికి వచ్చినవారు లేరు. ఓవర్సీస్ లోను ఈ సినిమాకి మంచి రెస్పాన్స్ వచ్చింది. ప్రపంచవ్యాప్తంగా ఈ సినిమా 8 రోజుల్లో 8 కోట్లకి పైగా రాబట్టింది. సుహాస్ ఖాతాలోకి మరో హిట్ వచ్చి చేరింది. అలాంటి సినిమా ఇప్పుడు ఓటీటీ ద్వారా పలకరించడానికి రెడీ అవుతోంది.
ఈ సినిమా స్ట్రీమింగ్ హక్కులను జీ 5వారు సొంతం చేసుకున్నారు. ఈ నెల 17వ తేదీన స్ట్రీమింగ్ చేయనున్నారు. ఓటీటీ ద్వారా ఈ సినిమా మరింత మంచి రెస్పాన్స్ ను దక్కించుకునే అవకాశాలు పుష్కలంగా ఉన్నాయి. ఇక సుహాస్ నటించిన వెబ్ సిరీస్ ‘యాంగర్ టేల్స్’ ఈ రోజు ‘డిస్నీ ప్లస్ హాట్ స్టార్’లో స్టీమింగ్ అయింది. ఈ సినిమాకి రెస్పాన్స్ ఎలా ఉంటుందనేది చూడాలి మరి.
Also Read : ‘రైటర్ పద్మభూషణ్’ కు రాసిపెట్టింది – నాని
