ప్రభాస్, కృతి సనన్ జంటగా నటిస్తున్న మూవీ ‘ఆదిపురుష్’. రామాయణం ఆధారంగా ఈ చిత్రాన్ని ఓంరౌత్ తెరకెక్కిస్తున్నారు. ఇందులో ప్రభాస్ రాముడుగా నటిస్తుంటే.. కృతి సనన్ సీతగా నటిస్తుంది. అయితే.. ఈ మూవీ షూటింగ్ టైమ్ లో ప్రభాస్, కృతి సనన్ మధ్య స్నేహం పెరిగిందని.. ఆ స్నేహం కాస్తా ప్రేమగా మారిందని వార్తలు వచ్చాయి. అంతే కాకుండా.. ప్రభాస్, కృతి సనన్ పెళ్లి చేసుకోబోతున్నారని బాలీవుడ్, టాలీవుడ్ లో జోరుగా ప్రచారం జరిగింది. ఈ ప్రచారానికి తగ్గట్టుగా ఓ ఇంటర్ వ్యూలో వరుణ్‌ ధావన్.. ప్రభాస్, కృతి లవ్ లో ఉన్నారన్నట్టుగా చెప్పాడు.
ఇక అక్కడ నుంచి ఈ వార్త నిజమేనేమో అనిపించింది. ఆతర్వాత అలాంటిది ఏమీ లేదు.. మేమిద్దరం మంచి ఫ్రెండ్స్ మాత్రమే అంటూ క్లారిటీ ఇచ్చారు ప్రభాస్, కృతి సనన్. ఇటీవల బాలయ్య అన్ స్టాపబుల్ టాక్ షోలో కూడా ప్రభాస్ ప్రచారంలో ఉన్నదంతా ఉత్తిదే అని చెప్పాడు. అంతా అయిపోయింది అనుకుంటే.. కృతి సనన్ మళ్లీ కొత్తగా మా మధ్య ఏమీ లేదు అని ఇటీవల ఇంటర్ వ్యూల్లో చెప్పడం స్టార్ట్ చేసింది. దీంతో మరోసారి ప్రభాస్, కృతి సనన్ లవ్ మేటర్ గురించి వార్తలు వస్తున్నాయి. అయితే… ఆమె లేటెస్ట్ క్లారిఫికేషన్స్ వలన అనేక డౌట్స్ వస్తున్నాయి.
ఈ అమ్మడు మళ్లీ కొత్తగా మామధ్య ఏమీ లేదు అని చెప్పడం గమనించిన ప్రభాస్ ఈసారి కాస్త గట్టిగానే క్లాస్ తీసుకున్నాడు అని టాక్ వినిపిస్తోంది. దీనికి కృతి ఏం చెప్పిందంటే… ఆదిపురుష్ ప్రమోషన్స్ స్టార్ట్ కాకముందే ఈ విషయంలో క్లారిటీ ఇస్తే మంచిదని నిర్మాతలు చెప్పారు. ప్రమోషన్స్ స్టార్ట్ చేసినప్పుడు మీడియా వాళ్లు లవ్ మేటర్ గురించి అడుగుతారు.. అప్పుడు సినిమా ప్రమోషన్స్ గురించి కాకుండా ఈ లవ్ మేటర్ గురించే ఎక్కువ ఫోకస్ అవుతుందని మరోసారి క్లారిటీ ఇస్తున్నాను అని చెప్పిందట. ఇది నిజమో కాదో తెలియదు కానీ.. మరోసారి ప్రభాస్, కృతి మేటరు వార్తల్లోకి వచ్చింది.
