అఖిల్ నటిస్తున్న లేటెస్ట్ పాన్ ఇండియా మూవీ ‘ఏజెంట్’. ఈ చిత్రానికి సురేందర్ రెడ్డి దర్శకత్వం వహిస్తున్నారు. అనిల్ సుంకర ఈ చిత్రాన్ని నిర్మిస్తున్నారు. అయితే… ఈ మూవీ షూటింగ్ టైమ్ లో నిర్మాత అనిల్ సుంకర, డైరెక్టర్ సురేందర్ రెడ్డి మధ్య విభేదాలు వచ్చాయని.. అందుకనే షూటింగ్ చాలా స్లోగా జరుగుతుందని వార్తలు వచ్చాయి. అయితే… చాలా సార్లు వాయిదాపడిన ఏజెంట్ మూవీని ఈ నెల 28న ఎలాగైనా సరే విడుదల చేయాలని ఫిక్స్ అయ్యారు. ఇంకా షూటింగ్ లో బ్యాలెన్స్ ఉన్నప్పటికీ 28న రావడం పక్కా అని ప్రకటించారు.
అయితే.. ఇప్పటి వరకు ఈ మూవీ నుంచి రెండు పాటలను రిలీజ్ చేశారు. ఈ రెండు పాటలకు మంచి స్పందన లభించింది. అయితే.. ఇందులో ఓ మాంచి మాస్ సాంగ్ ఉందని… అందులో డ్యాన్స్ కూడా అదిరిపోతుందని తెలిసింది. అయితే.. రిలీజ్ డేట్ కు తక్కువ టైమ్ ఉండడంతో ఈ పాటలు లేకపోయినా రిలీజ్ చేస్తామని నిర్మాత ప్రకటించడంతో ఈ మాస్ సాంగ్ ఉంటుందో ఉండదో అని అభిమానులు టెన్షన్ ఫీలయ్యారు. అయితే… ప్రస్తుతం అన్నపూర్ణ స్టూడియోలో ఈ సాంగ్ ను చిత్రీకరిస్తున్నారు. దీంతో అభిమానులు మాస్ సాంగ్ లో డ్యాన్స్ అదిరిపోతుందని… ఫ్యాన్స్ హ్యాపీగా ఫీలవుతున్నారు.
ఈ సాంగ్ లో బాలీవుడ్ భామ ఊర్వశి రౌతాల నటిస్తుందని తెలిసింది. ఇటీవల మెగాస్టార్ చిరంజీవి వాల్తేరు వీరయ్య సినిమాలో బాస్ పార్టీ సాంగ్ లో నటించి మెప్పించింది. ఆ మూవీ బ్లాక్ బస్టర్ అయ్యింది. ఇప్పుడు ఊర్వశి రౌతాల ఈ సినిమాలో నటిస్తుండడంతో సెంటిమెంట్ కూడా కలిసొస్తుందని మేకర్స్ గట్టి నమ్మకంతో ఉన్నారు. ఈ పాట అందరికీ సర్ ఫ్రైజింగ్ గా ఉంటుందని.. అంటున్నారు. భారీ అంచనాలతో ఏజెంట్ 28న పాన్ ఇండియా రేంజ్ లో వస్తుంది. మరి.. ఏజెంట్ మూవీతో అఖిల్ బ్లాక్ బస్టర్ సాధిస్తాడేమో చూడాలి.
