ప్రభాస, ప్రశాంత్ నీల్ కాంబినేషన్ లో రూపొందుతోన్న భారీ పాన్ ఇండియా మూవీ ‘సలార్’. ఈ సినిమా ఫస్ట్ లుక్ రిలీజైనప్పటి నుంచి అటు అభిమానుల్లోనూ, ఇటు ఇండస్ట్రీలోనూ భారీ అంచనాలు ఏర్పడ్డాయి. ఎప్పుడెప్పుడు సలార్ సినిమా థియేటర్లోకి వస్తుందా అని ఆతృతగా ఎదురు చూస్తున్నారు. ఇందులో ప్రభాస్ కు జంటగా శృతి హాసన్ నటిస్తుంది. ఆమె షూటింగ్ పార్ట్ పూర్తయ్యింది. ప్రస్తుతం క్లైమాక్స్ కు సంబంధించిన సీన్స్ చిత్రీకరిస్తున్నారు. త్వరలోనే సలార్ టీజర్ కు సంబంధించిన అప్ డేట్ ఇవ్వనున్నారు.
ఇదిలా ఉంటే.. సలార్ స్టార్ట్ అయినప్పటి నుంచి రెండు పార్టులు అని వార్తలు వస్తున్నాయి కానీ.. మేకర్స్ మాత్రం క్లారిటీ ఇవ్వలేదు. ప్రభాస్ కూడా సలార్ ఒక పార్టా..? రెండు పార్టులా..? అనే దాని పై క్లారిటీ ఇవ్వలేదు. దీంతో సలార్ కు సీక్వెల్ ఉంటుందా..? ఉండదా..? అనేది సస్పెన్స్ గానే ఉంది. అయితే…. కన్నడ నటుడు దేవరాజ్ ఇన్నాళ్లు సీక్రెట్ గా ఉంచిన ఈ విషయాన్ని లీక్ చేశారు. ఇటీవల ఒక ఇంటర్ వ్యూలో మాట్లాడుతూ… సలార్ చిత్రంలో నటిస్తున్నానని.. సలార్ రెండవ భాగం కూడా ఉంటుంది అంటూ అసలు విషయం బయటపెట్టారు. దేవరాజ్ చెప్పిన ఈ మాటలు వైరల్ అయ్యాయి.
ఇంకా దేవరాజ్ ఏం చెప్పారంటే…సలార్‌లో తాను ఒక ముఖ్యమైన పాత్ర పోషిస్తున్నానని.. సీక్వెల్‌లో తన పాత్రకు మరింత ప్రాధాన్యత ఉంటుందని అన్నారు.
పార్ట్ వన్ లో కూడా కనిపిస్తానని.. ప్రభాస్‌తో చాలా కాంబినేషన్ సీన్స్ వచ్చాయని చెప్పారు. అలాగే నటుడు జగపతి బాబు, పృథ్వీరాజ్ సుకుమారన్‌లతో కూడా సన్నివేశాలు ఉన్నాయని పేర్కొన్నాడు. దేవరాజ్ నుండి ఊహించని ఈ లీక్ నిజంగా ప్రభాస్ అభిమానులకు ఆనందం కలిగించింది. సలార్ చిత్రం సెప్టెంబర్ 28న విడుదల కానుంది. మరి.. సలార్ రెండు పార్టులు ఏ రేంజ్ సక్సెస్ సాధిస్తాయో చూడాలి.
