పంజాబ్ కింగ్స్ మరోసారి ఓటమి పాలైంది. ఈసారి సొంతగడ్డ మొహాలీ స్టేడియంలో రాయల్ ఛాలెంజర్స్ బెంగుళూరు 24 పరుగులతో పంజాబ్ పై విజయం సాధించింది. టాస్ గెలిచిన పంజాబ్ బౌలింగ్ ఎంచుకుంది.
బెంగుళూరు ఓపెనర్లు విరాట్ కోహ్లీ- డూప్లేసిస్ లు తొలి వికెట్ కు 137 పరుగులు జోడించాడు. కోహ్లీ 47 బంతుల్లో 5 ఫోర్లు, 1 సిక్సర్ తో 59 రన్స్ చేసి ఔటయ్యాడు. ఆ తర్వాతి బంతికే గ్లెన్ మాక్స్ వెల్ డకౌట్ అయ్యాడు. 56 బంతుల్లో 5 ఫోర్లు, 5 సిక్సర్లతో 84 పరుగులు చేసి మూడో వికెట్ గా వెనుదిరిగాడు. దినేష్ కార్తీక్ (7) విఫలం కాగా, లామ్రోర్-7; షాబాజ్ అహ్మద్-5 పరుగులతో క్రీజులో ఉన్నారు. నిర్ణీత 20 ఓవర్లలో 4 వికెట్లకు 174 స్కోరు చేసింది.
పంజాబ్ బౌలర్లలో హర్ ప్రీత్ బ్రార్ 2; అర్ష్ దీప్ సింగ్, నాథన్ ఎల్లీస్ చెరో వికెట్ సాధించారు.
పంజాబ్ 27 పరుగులకే మూడు వికెట్లు (అథర్వ తైడే-4; మాథ్యూ షార్ట్-8; లియామ్ లివింగ్ స్టోన్-2) కోల్పోయింది. ఇంపాక్ట్ ప్లేయర్ గా బరిలోకి దిగిన సిమ్రాన్ సింగ్ 46 పరుగులతో ఆకట్టుకున్నాడు. జితేష్ శర్మ 41; హర్ ప్రీత్ భాటియా-13; హర్ ప్రీత్ బ్రార్-13; కెప్టెన్ శామ్ కర్రన్-10 పరుగులు చేశారు, 18.2 ఓవర్లలో 150 పరుగులకే ఆలౌట్ అయ్యింది.
సిరాజ్ 4 వికెట్లతో సత్తా చాటగా, హసరంగ 2; పార్నెల్, హర్షల్ పటేల్ చెరో వికెట్ సాధించారు.
సిరాజ్ కే ‘ప్లేయర్ అఫ్ ద మ్యాచ్’ దక్కింది.
